| e-texts navigator |
| Wylie |
70b1 ཆུབ་སེམས་དཔའ་སེམས་ཞུམ་པ་ཉིས་བརྒྱ་པོ་དེ་དག་གི་སེམས་རབ་ཏུ་འཛིན་པ་ལ་བརྟེན་ནས། ། ཀྱེ་མ་འདི་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བའི་སྐལ་བ་ཡོད་དོ་ཞེས།
70b2 དེ་དག་འདུལ་བའི་དབང་གི་ཕྱིར། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་མངོན་པར་འཚལ་བ། འདས་པའི་དུས་ན་བསྐལ་པ་རྣམ་པར་སྣང་བ་ཞེས་བགྱི
70b3 བ་ཞིག་བྱུང་སྟེ། བཅོམ་ལྡན་འདས་བདག་བསྐལ་པ་རྣམ་པར་སྣང་བ་དེ་ལ་ལན་བྱེ་བ་ཁྲག་ཁྲིག་བརྒྱ་སྟོང་ཕྲག་སུམ་ཅུ་རྩ་དྲུག་ཏུ་རང་སངས་རྒྱས་ཀྱི་ཐེག་པས་ཡོངས་སུ་མྱ་ངན་ལས་འདས་སོ།།
70b4 དེ་ནས་ཐམས་ཅད་དང་ལྡན་པའི་འཁོར་དེ་ཐེ་ཙོམ་དུ་གྱུར་ནས། འདི་ཇི་ལྟ་བུ་ཞིག། འདི་ཅི་གང་གི་ཚེ་ཡོངས་སུ་མྱ་ངན་ལས་འདས་པ་ལ་ཉིང་མཚམས་སྦྱོར་བ་མེད་ན། ཇི་ལྟར་ན་འཇམ་དཔལ
70b5 གཞོན་ནུར་གྱུར་པ་འདི་བཅོམ་ལྡན་འདས་བདག་གིས་མངོན་པར་འཚལ་བ། བསྐལ་པ་རྣམ་པར་སྣང་བ་ལ། ལན་བྱེ་བ་ཁྲག་ཁྲིག་བརྒྱ་སྟོང་ཕྲག་སུམ་ཅུ་རྩ་དྲུག་ཏུ་རང་སངས་རྒྱས་ཀྱི་ཐེག་པས་ཡོངས
70b6 སུ་མྱ་ངན་ལས་འདས་སོ་ཞེས་དེ་སྐད་སྨྲ་སྙམ་མོ། ། དེ་ནས་སངས་རྒྱས་ཀྱི་མཐུས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་གང་གི་ཚེ།
70b7 ཡོངས་སུ་མྱ་ངན་ལས་འདས་པ་ལ་ཉིང་མཚམས་སྦྱོར་བ་མ་མཆིས་ན། ཇི་ལྟར་ན་འཇམ་དཔལ་གཞོན་ནུར་གྱུར་པ་འདི་མྱ་ངན་ལས་འདས་ནས་ཉིང་མཚམས་སྦྱོར་བ་བགྱིད། བཅོམ་ལྡན་འདས་ཀྱིས་བཀའ
iiif viewer powered by OpenSeadragon
