| e-texts navigator |
| Wylie |
70a1 བཅོམ་ལྡན་འདས་བདག་གི་དགེ་བའི་རྩ་བ་འདིས་སེམས་ཅན་ཐམས་ཅད་ཇི་ལྟར་དེ་བཞིན་གཤེགས་པའི་ཆོས་བཤད་པ་དང་། ཇི་ལྟར་འཇམ་དཔལ་གཞོན་ནུར་གྱུར་པའི
70a2 དྲན་པས། ཆོས་འཛིན་པ་དེ་ལྟ་བུ་དེ་འདྲ་བའི་སྤོབས་པ་དང་། ཆོས་འཆད་པ་དང་ལྡན་པར་གྱུར་ཅིག། དེ་ན་བཅོམ་ལྡན་འདས་ཀྱིས་ལྷའི་བུ་དེའི་ལྷག་པའི་བསམ་པ་མཁྱེན་ནས། བྱང་ཆུབ་སེམས་དཔའ་བློ་གྲོས་བརྟན་པ་ལ་བཀའ་སྩལ
70a3 པ། བློ་གྲོས་བརྟན་པ་ལྷའི་བུ་འདི་ནི་བསྐལ་པ་བཞི་ཁྲི་བཞི་སྟོང་ན་སངས་རྒྱས་ཀྱི་ཞིང་རིན་པོ་ཆེ་ཐམས་ཅད་ཀྱིས་སྤྲས་པ་ཞེས་བྱ་བར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
70a4 པའི་སངས་རྒྱས་རིན་པོ་ཆེའི་གདུགས་གཅིག་པ་ཞེས་བྱ་བར་འགྱུར་རོ། ། ཞེས་ལྷའི་བུ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ།། གཏམ་འདི་བརྗོད་པའི་ཚེ་འཁོར
70a5 དེ་ནས། བྱང་ཆུབ་སེམས་དཔའི་ཐེག་པ་པའི་སྲོག་ཆགས་ཉིས་བརྒྱ་སེམས་ཞུམ་པར་གྱུར་ནས། སངས་རྒྱས་ཀྱི་ཆོས་དག་ཀྱང་དེ་ལྟ་བུ་ཡིན། འདི་ལྟར་ཐམས་ཅད་མཁྱེན་པ་ཉིད་དུ་ཡང་འགྱུར་བར
70a6 དཀའ་བ་ཡིན་ཏེ། བདག་ཅག་གིས་ནི་གནས་དེ་ཡོངས་སུ་རྫོགས་པར་བྱེད་མི་ནུས་ཀྱིས། བདག་ཅག་ནི་རང་སངས་རྒྱས་ཀྱི་ཐེག་པས་ཡོངས་སུ་མྱ་ངན་ལས་འདའ་བར་བྱ་གོར་མ་ཆག་གོ།། དེ་ཅིའི་ཕྱིར
70a7 ཞེ་ན། བྱང་ཆུབ་སེམས་དཔའ་གང་ཕྱིར་ལྡོག་པ་དེ་ནི་རང་བྱང་ཆུབ་ཐོབ་བོ་ཞེས། དེ་བཞིན་གཤེགས་པས་གསུངས་སོ་སྙམ་མོ།། དེ་ནས་འཇམ་དཔལ་གཞོན་ནུར་གྱུར་པས། བྱང
iiif viewer powered by OpenSeadragon
