| e-texts navigator |
| Wylie |
69b1 དང་། རྨད་དུ་བྱུང་བའི་ཆོས་ཀྱི་སྡེ་དང་། གཏན་ལ་བབ་པར་བསྟན་པའི་སྡེ་རྣམས་བཤད་པ་དང་། སེམས་ཅན་གྱི་སྤྱོད་པ་འཇུག་པ་བཤད་པ་དང་། ཕ་རོལ་ཏུ་ཕྱིན་པ་ཡོངས་སུ་རྫོགས་པར
69b2 བཤད་པ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་བཤད་པ་དང་། འཁོར་བ་སྨད་པ་བཤད་པ་དང་། མྱ་ངན་ལས་འདས་པའི་ཡོན་ཏན་གྱི་ཕན་ཡོན་བཤད་པ་འཆད་པར་བྱེད་ན།། ལྷའི་བུ་ཆོས
69b3 བཤད་པ་དེ་ལས་རྒྱ་ཆེར་རྣམ་པར་དབྱེ་བ་ནི། འཛམ་བུའི་གླིང་གི་རྡུལ་ཕྲ་རབ་ཀྱི་རྡུལ་དང་མཉམ་པའི་སེམས་ཅན་མང་དུ་ཐོས་པ། དགེ་སློང་ཀུན་དགའ་བོ་དང་འདྲ་བ་དག་གིས་ཀྱང་། བསྐལ་པ་བརྒྱ
69b4 ཕྲག་སྟོང་དུ་ཡང་ཐམས་ཅད་ཆུབ་པར་སླ་བ་མ་ཡིན་ནོ། ། ལྷའི་བུ་རྣམ་གྲངས་དེས་ཀྱང་། འདི་ལྟར་རིག་པར་བྱ་སྟེ། དེ་ལྟར་དེ་བཞིན་གཤེགས་པའི་ཆོས་བཤད་པ་ནི་དཔག་ཏུ་མེད་དེ། དེ་ལ་དགེ
69b5 སློང་ཀུན་དགའ་བོས་ནི་ཉུང་ཟད་ཅིག་ཀུན་ཆུབ་པར་བྱས་སུ་ཟིན་གྱི། གང་དག་ཀུན་ཆུབ་པར་མ་བྱས་པ་དེ་དག་ནི་དཔག་ཏུ་མེད་དོ།། དེ་ནས་ལྷའི་བུ་ཟླ་བ་དྲི་མ་མེད་པའི་སྙིང་པོས་རིན་པོ
69b6 ཆེ་སྣ་བདུན་ལས་བྱས་པའི་གདུགས་འབུམ། བཅོམ་ལྡན་འདས་ལ་ཕུལ་ནས། གདུགས་དེ་དག་གིས་བར་སྣང་ཡོག་པར་སྣང་སྟེ། སེམས་ཅན་གདུགས་དེ་དག་གིས་ཇི་སྙེད་ཡོག་པ་དེ
69b7 དག་ཐམས་ཅད་ཀྱི་ལུས་ཀྱང་གསེར་གྱི་ཁ་དོག་ཏུ་སྣང་བར་གྱུར་ཏོ། ། དེ་ནས་ལྷའི་བུ་དེས་གདུགས་དེ་དག་བཅོམ་ལྡན་འདས་ལ་ཕུལ་ནས། འདི་སྐད་ཀྱི་ཚིག་སྨྲས་སོ།།
iiif viewer powered by OpenSeadragon
