| e-texts navigator |
| Wylie |
68b1 སྩ་ལ་ན། ཅི་གནས་བརྟན་ཀུན་དགའ་བོ་ཇི་ལྟར། འཇམ་དཔལ་གཞོན་ནུར་གྱུར་པས་བཤད་པའི་མང་དུ་ཐོས་པ་དེ་འདྲ་བ་དང་ལྡན་ནམ། ཀུན་དགའ་བོས་སྨྲས་པ། ལྷའི་བུ་དེ་ནི་མི་ལྡན་ཏེ། ཁོ་བོ
68b2 ནི་ཇི་ལྟར་འཇམ་དཔལ་གཞོན་ནུར་གྱུར་པས་བཤད་པ་དེ་འདྲ་བའི་མང་དུ་ཐོས་པ་དང་ལྡན་པ་མ་ཡིན་ནོ། ། སྨྲས་པ། བོ་ན་ཇི་ལྟར་ན་གནས་བརྟན་ཀུན་དགའ་བོ་མང་དུ་ཐོས་པ་རྣམས་ཀྱི་མཆོག
68b3 གོ་ཞེས། བཅོམ་ལྡན་འདས་ཀྱིས་བཀའ་སྩལ་པ་སྨྲས་པ། ལྷའི་བུ་བཅོམ་ལྡན་འདས་ཀྱི་ཉན་ཐོས་ཕ་རོལ་གྱི་སྒྲའི་རྗེས་སུ་སོང་ཞིང་། ཕ་རོལ་གྱི་སྒྲ་ལ་མོས་པས་རྣམ་པར་གྲོལ་བ་ལ་གཏོད་པ་གང
68b4 སུ་དག་ཡོད་པ་དེ་དག་ཚད་མར་བྱས་ནས། ཁོ་བོ་མང་དུ་ཐོས་པ་རྣམས་ཀྱི་མཆོག་གོ་ཞེས། བཅོམ་ལྡན་འདས་ཀྱིས་བཀའ་སྩལ་གྱི། ལྷའི་བུ་ཁོ་བོ་ནི་བྱང་ཆུབ་སེམས་དཔའ་ཡེ་ཤེས་ཀྱི་རྒྱ་མཚོ
68b5 ཐོགས་པ་མེད་ཅིང་། ཚད་མེད་ལ་ཤེས་རབ་དང་སྤོབས་པ་ཟད་མི་ཤེས་པ་དག་གི་ནང་ན་མང་དུ་ཐོས་པའི་མཆོག་གོ་ཞེས་བཀའ་མ་སྩལ་ཏོ།། ལྷའི་བུ་འདི་ལྟ་སྟེ་དཔེར་ན། འཛམ་བུའི
68b6 གླིང་གི་མི་དག་ནི། ། ཉི་མ་དང་ཟླ་བའི་འོད་ཀྱིས་ན།། པི་རྣམས་ཀྱི་ལས་དག་ཀྱང་བྱེད།། གཟུགས་རྣམས་ཀྱང་མཐོང་ངོ་།། ལྷའི་བུ་དེ་བཞིན་དུ་ཤེས་རབ་ཀྱི་སྣང་བ་འདི་ནི།། དེ་བཞིན་གཤེགས་པའི་ཡིན
68b7 དེའི་ཕྱིར་ཁོ་བོ་བཅོམ་ལྡན་འདས་ཀྱིས་ཆོས་ཇི་ལྟར་གསུངས་པ་བཞིན་དུ་འཛིན་གྱི། ལྷའི་བུ་དེ་ལ་ཁོ་བོའི་སྐྱེས་བུའི་མཐུར་ནི་མི་བལྟ་སྟེ། སངས་རྒྱས་ཀྱི་སྐྱེས་བུའི་མཐུ་ཉིད་དུ་བལྟའོ།།
iiif viewer powered by OpenSeadragon
