| e-texts navigator |
| Wylie |
68a1 འཇམ་དཔལ་གྱིས་སྨྲས་པ། རིགས་ཀྱི་བུ་མང་དུ་ཐོས་པ་མང་དུ་ཐོས་པ་ཞེས་བྱ་བ་ནི། རིགས་ཀྱི་བུ་གང་གི་ཚེ་ཐོས་མ་ཐག་ཏུ་ཆོས་ཀྱི་སྒོའི་ཚིག་གཅིག་གི་དྲིས་པའི་ལན་ལ་རྣམ
68a2 པར་དབྱེ་བ་བྱེ་བ་ཁྲག་ཁྲིག་འབུམ་གྱུར་ཏུ་བསྐལ་པ་འམ། བསྐལ་པ་བརྒྱར་སྟོན་ཀྱང་། ཆོས་ཀྱི་སྒོ་དེའི་ཚིག་དང་། སྤོབས་པ་ཡོངས་སུ་བྲི་བར་ཡང་མི་འགྱུར་བས་ན། དེའི་ཕྱིར་མང་དུ་ཐོས་པ་ཞེས
68a3 བྱ་སྟེ། བློ་གྲོས་བརྟན་པ་དེ་ཙམ་གྱིས་ན།། མང་དུ་ཐོས་པ་མང་དུ་ཐོས་པ་ཞེས་བྱའོ།། བློ་གྲོས་བརྟན་པ་གཞན་ཡང་ཕྱོགས་བཅུའི་སངས་རྒྱས་བཅོམ་ལྡན་འདས་དཔག་ཏུ་མེད། གྲངས་མེད་པས
68a4 བཤད་པ་ཀུན་འཛིན་ཀྱང་། ། དེ་ལ་ཚིག་གཅིག་ཀྱང་སྔོན་མ་ཐོས་པར་རྣར་གྲག་པར་མི་འགྱུར་གྱི། གང་ཅི་ཐོས་ཀྱང་དེ་ཐམས་ཅད་རྩོན་མ་ཐོས་པ་ཉིད་ཐོས་པ་ཡིན་གྱི། མ་ཐོས་པ་ལས་ཐོས་པ་མ་ཡིན་པ་དང་།།
68a5 མི་བརྗེད་པའི་ཆོས་ཅན་དུ་གྱུར་པའི་ཕྱིར། ཇི་ལྟར་ཐོས་པ་ཀུན་འཛིན་པ་དང་།། སེམས་ཅན་མེད་པའི་ཕྱིར་སེམས་ཅན་ལ་དེ་ལྟར་ཆོས་འཆད་ཅིང་བདག་གམ། སེམས་ཅན་ནམ། ཆོས་ལ་ཀུན་ཏུ་རྟོག
68a6 པ་རྣམ་པ་སྣ་ཚོགས་པའི་འདུ་ཤེས་སུ་ཡང་མི་བྱེད་པ་ཡིན་ཏེ། བློ་གྲོས་བརྟན་པ་དེ་ཙམ་གྱིས་ན། མང་དུ་ཐོས་པ་ཞེས་བྱའོ།། དེ་ནས་ལྷའི་བུ་ཟླ་བ་དྲི་མ་མེད་པའི་སྙིང་པོ་ཞེས་བྱ་བ་འཁོར
68a7 དེ་ཉིད་དུ་འདུས་པར་གྱུར་ཏེ། འདུག་པ་དེས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ།། གནས་བརྟན་ཀུན་དགའ་བོ་ནི་མང་དུ་ཐོས་པ་རྣམས་ཀྱི་མཆོག་གོ་ཞེས་བཅོམ་ལྡན་འདས་ཀྱིས་བཀའ
iiif viewer powered by OpenSeadragon
