| e-texts navigator |
| Wylie |
67a1 ཤིན་ཏུ་ཀུན་ཏུ་ཆགས་པར་ཡང་སྣང་ལ། ཉོན་མོངས་པ་ཐམས་ཅད་དང་བྲལ་བས། འདོད་ཆགས་དང་བྲལ་བར་ཡང་གྱུར་པ་དང་། ཤིན་ཏུ་ཡོངས་སུ་མྱ་ངན་ལས་འདས་པ།
67a2 ཡང་ཡིན་ལ། འཁོར་བའི་སྤྱོད་པ་འཁྲུག་པར་མི་བྱེད།། སྟོང་པར་ཡང་མི་བྱེད་པ་སྟེ། རིགས་ཀྱི་བུ་ཆོས་བཅུ་པོ་དེ་དག་དང་ལྡན་ན།། སྦྱིན་པའི་གནས་ཞེས་བྱའོ།། དེ་ནས་བྱང
67a3 ཆུབ་སེམས་དཔའ་བློ་གྲོ་བརྟན་པས། གནས་བརྟན་རབ་འབྱོར་ལ་འདི་སྐད་ཅེས་སྨྲས་སོ།། གནས་བརྟན་རབ་འབྱོར་ནི། བཅོམ་ལྡན་འདས་ཀྱིས་སྦྱིན་པའི་གནས་ཀྱི་ནང་ན། མཆོག་ཏུ་བཀའ་སྩལ
67a4 ན། འཇམ་དཔལ་གཞོན་ནུར་འགྱུར་བས། གང་ཆོས་བཅུ་པོ་འདི་དག་བཤད་པའི་ཆོས་དེ་དག་གི་ནང་ན། གནས་བརྟན་རབ་འབྱོར་སྣང་ངམ། དེ་སྐད་ཅེས་སྨྲས་པ་དང་། གནས་བརྟན་རབ་འབྱོར
67a5 གྱིས། བྱང་ཆུབ་སེམས་དཔའ་བློ་གྲོས་བརྟན་པ་ལ་འདི་སྐད་ཅེས་སྨྲས་སོ།། རིགས་ཀྱི་བུ་དེ་ལས་ཆོས་གཅིག་ཀྱང་ཁོ་བོ་ལ་མེད་ན། བཅུ་ལྟ་ཅི་སྨོས་སྨྲས་པ། བོ་ན་ད་ཇི་ལྟར་ན་གནས་བརྟན་རབ
67a6 འབྱོར་སྦྱིན་པའི་གནས་ཀྱི་ནང་ན་མཆོག་ཅེས་བྱ། ། རབ་འབྱོར་གྱིས་སྨྲས་པ། རིགས་ཀྱི་བུ་ཁོ་བོ་ནི་བྱང་ཆུབ་སེམས་དཔའ་དང་བསྐྲུན་ཏམ། དེ་བཞིན་གཤེགས་པ་དང་རང་སངས་རྒྱས་དང་བསྐྲུན་ཏེ།
67a7 སྦྱིན་པའི་གནས་ཀྱི་ནང་ན་མཆོག་གོ་ཞེས་ནི་བཅོམ་ལྡན་འདས་ཀྱིས་བཀའ་སྩལ་གྱི་ས་པ། རིགས་ཀྱི་བུ་ཁོ་བོ་ནི་ཉན་ཐོས་རྣམས་དང་བསྐྲུན་ཏེ། སྦྱིན་པའི་གནས་ཀྱི་ནང་ན་མཆོག་གོ་ཞེས་བཅོམ་ལྡན
iiif viewer powered by OpenSeadragon
