| e-texts navigator |
| Wylie |
66a1 ནི་ལྷའི་མིག་དང་ལྡན་པའོ་སྙམ་དུ་འཚལ་ཅིང་། བྱང་ཆུབ་སེམས་དཔའ་དག་དང་སྨྲ་བར་བགྱིད་པ་ཞིག་ན། གང་གི་སྲད་དུ་ད་ལྟར་བཅོམ་ལྡན་འདས། དཔའ་བར་འགྲོ་བའི་ཏིང
66a2 ངེ་འཛིན་འདི་ཐོས་པ་དེའི་སླད་དུ། བདག་ཅག་དམུས་ལོང་དུ་གྱུར་ཏེ། དཔའ་བར་འགྲོ་བའི་ཏིང་ངེ་འཛིན་འདི་ལ་དེ་བཞིན་གཤེགས་པ་ཇི་ལྟར་གནས་པ་དང་། བྱང་ཆུབ་སེམས་དཔའ་དག་ཇི་ལྟར་སྤྱོད
66a3 པ་མ་འཚལ་མི་མཐོང་ངོ་། ། བཅོམ་ལྡན་འདས་སངས་རྒྱས་ཀྱི་ཡུལ་ལ་སྤྱོད་པ་མ་འཚལ་བའི་སླད་དུ། བདག་ནི་དེ་རིང་སླན་ཆད་བདག་ཉིད་ལ་དམུས་ལོང་ལྟ་བུར་འཚལ་ཏོ།། གང་དག་ཤེས་པ་ལ
66a4 བཟོད་པ་འདི་ཐོས་པའི་བྱང་ཆུབ་སེམས་དཔའ་རྣམས་ལ་ནི། ལྷའི་མིག་དང་ལྡན་པར་འཛིན་ཏོ།། ཕྱག་འཚལ་བར་བགྱིའོ།། བཅོམ་ལྡན་འདས་ཐམས་ཅད་མཁྱེན་པའི་སེམས་མ་མཆིས་པར་སུ་ཞིག
66a5 བདག་ལ་ཡེ་ཤེས་དང་ལྡན་པའམ། སྦྱིན་གནས་སོ་ཞེས་ཁས་འཆེ་བར་འགྱུར།། བྱང་ཆུབ་སེམས་དཔའ་རྣམས་ནི།། ཡེ་ཤེས་དེ་རྟོགས་པར་འགྱུར་རོ།། བཅོམ་ལྡན་འདས་ཀྱིས་བཀའ་སྩལ་པ།། འོད
66a6 སྲུངས་ལེགས་སོ་ལེགས་སོ། ། དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ།། འདི་ལ་ནི་ཉན་ཐོས་རྣམས་ཀྱི་ཡེ་ཤེས་ཀྱིས་རྟོགས་པ་འཇུག་པར་མི་འགྱུར་རོ།། ཡེ་ཤེས་ཀྱིས་རྟོགས་པ་དེ་ནི། བྱང
66a7 ཆུབ་སེམས་དཔའ་རྣམས་ཀྱིས་ཁོང་དུ་ཆུད་པར་འགྱུར་རོ། ། གནས་བརྟན་འོད་སྲུང་ཆེན་པོས་བསྟན་པ་འདི་བཤད་པའི་ཚེ། ལྷ་དང་མིའི་སྲོག་ཆགས་བརྒྱད་སྟོང་བླ་ན་མེད་པ་ཡང་དག་པར་རྫོགས་པའི
iiif viewer powered by OpenSeadragon
