| e-texts navigator |
| Wylie |
64a1 ལྡོག་པའི་ཆོས་ཀྱི་འཁོར་ལོ་བསྐོར་རོ། ། སངས་རྒྱས་ཀྱིས་ཞིང་དེ་ནི་ང་ཉིད་ཀྱིས་སྟོན་ཡོངས་སུ་སྦྱངས་པའོ།། འཇམ་དཔལ་དེ་ལྟར་ན་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ
64a2 སྟོང་དུ་ངའི་ཡུལ་འཇུག་གོ། ། དེར་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱིས་མི་ཆུད་དོ།། གང་གི་ཕྱིར་བྱང་ཆུབ་སེམས་དཔའ་སངས་རྒྱས་ཀྱི་ཞིང་ཚད་མེད་པར་སེམས་ཅན་རྣམས་ལ་ཆོས་སྟོན
64a3 པར་ཡང་བྱེད་ལ། ཏིང་ངེ་འཛིན་འདི་དང་། ཆོས་ཀྱི་དབྱིངས་ལས་ཀྱང་མི་གཡོ་བ་འདི་ནི། འཇམ་དཔལ་དཔའ་བར་འགྲོ་བའི་ཏིང་ངེ་འཛིན་གྱི་ཡུལ་ཡིན་ནོ།། འཇམ་དཔལ་འདི་ལྟ
64a4 སྟེ་དཔེར་ན། ། ཉི་མའི་དཀྱིལ་འཁོར་རམ། ཟླ་བའི་དཀྱིལ་འཁོར་ནི་གཞལ་མེད་ཁང་ལས་ཀྱང་མི་གཡོ་ལ། གྲོང་དང་གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། རྒྱལ་པོའི་ཕོ
64a5 བྲང་དུ་སྟོན་པར་བྱེད་ཀྱང་། ། སེམས་ཅན་དམུས་ལོང་དག་གིས་ནི་མི་ཤེས་མི་མཐོང་གི་སྣོད་ཇི་ལྟ་བ་བཞིན་དུ་སྣང་ཞིང་ཤེས་པའི་ཕྱིར་སེམས་ཅན་མིག་གི་ལས་ཇི་ལྟར་ཡོངས་སུ་དག་པ་རྣམས་ལ་གཞལ་མེད
64a6 ཁང་དེ་སྣང་བར་འགྱུར་བ་དེ་བཞིན་དུ། འཇམ་དཔལ་སངས་རྒྱས་བཅོམ་ལྡན་འདས་དང་། བྱང་ཆུབ་སེམས་དཔའ་རྣམས་དཔའ་བར་འགྲོ་བའི་ཏིང་ངེ་འཛིན་འདི་ལ་གནས་ནས། ཏིང་ངེ་འཛིན་གྱི་དཀྱིལ
64a7 འཁོར་འདི་ལས་ཀྱང་མི་གཡོ་ཞིང་། ། ཆོས་ཀྱི་དབྱིངས་ཀྱི་དཀྱིལ་འཁོར་ལས་ཀྱང་མི་གཡོ་ལ། སངས་རྒྱས་ཀྱི་ཞིང་ཚད་མེད་པ་རྣམས་སུ་ཡང་སེམས་ཅན་རྣམས་ལ་སྟོན་པར་བྱེད་ཅིང་། སེམས་ཅན་རྫི
iiif viewer powered by OpenSeadragon
