| e-texts navigator |
| Wylie |
63b1 རྒྱས་རྣམས་ཀྱི་མིང་ཡང་མི་གྲག་གོ། ། བྱང་ཆུབ་སེམས་དཔའ་ཕྱིར་མི་ལྡོག་པའི་ཆོས་ཀྱི་འཁོར་ལོ་སྟོན་པ་ཤིན་ཏུ་ཡོངས་སུ་དག་པའི་དགེ་འདུན་ལགས་ཏེ། བཅོམ་ལྡན་འདས་འཇིག་རྟེན་གྱི་ཁམས
63b2 སྒྲོན་མ་གཅིག་པ་ན། ད་ལྟར་དེ་བཞིན་གཤེགས་པ་ཆོས་སྟོན་པའི་དེའི་མཚན་དེ་བཞིན་གཤེགས་པས་ལེགས་པར་བཀའ་སྩལ་ཏུ་གསོལ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ
63b3 དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། ། འཇམ་དཔལ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། ངས་ཁྱོད་ལ་བཤད་དོ།། ཐོས་ནས་ཀྱང་ཁྱོད་ཀྱིས་སྐྲག་པར
63b4 མི་བྱ། ། དངང་བར་མི་བྱ།། དངང་བར་འགྱུར་བར་མི་བྱ། ཐེ་ཙོམ་དུ་མི་བྱ།། ནེམ་ནུར་དུ་མི་བྱའོ།། དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་གནས་པ་ཡང་བསམ་གྱིས
63b5 མི་ཁྱབ། དཔའ་བར་འགྲོ་བའི་ཏིང་ངེ་འཛིན་གྱི་སྤྱོད་པའི་ཡུལ་ལ་འཇུག་པ་ཡང་བསམ་གྱིས་མི་ཁྱབ་སྟེ། འཇམ་དཔལ་འཇིག་རྟེན་གྱི་ཁམས་སྒྲོན་མ་གཅིག་པ་ན། དེ་བཞིན་གཤེགས་པ་དགྲ་བཅོམ་པ
63b6 ཡང་དག་པར་རྫོགས་པའི་སངས་རྒྱས་ཡོན་ཏན་གྱི་ཆོས་ཐམས་ཅད་སྟོན་པར་སྣང་བ། རྣམ་པར་འཕྲུལ་པའི་རྒྱལ་པོ་དེ་བཞིན་གཤེགས་པ་ཆོས་སྟོན་པ་ནི།། འཇམ་དཔལ་ང་ཉིད་ཡིན་ནོ།། འཇིག་རྟེན་གྱི་ཁམས
63b7 སྒྲོན་མ་ཅིག་པ་ཞེས་བྱ་བ་དེ་ན་ཡོན་ཏན་གྱི་ཆོས་ཐམས་ཅད་སྟོན་པར་སྣང་བ་རྣམ་པར་འཕྲུལ་པའི་རྒྱལ་པོ་ཞེས་བྱ་བར་ཤེས་ཏེ། ང་ཉིད་ཀྱི་སངས་རྒྱས་ཀྱིས་ཡུལ་དུ་འདུག་གོ།། འཇམ་དཔལ་ང་ཉིད་དེ་ན་ཕྱིར་མི
iiif viewer powered by OpenSeadragon
