| e-texts navigator |
| Wylie |
5b1 པ་དེ་དང་ལུང་བསྟན་པས་ངས་ཁྱོད་ཀྱི་སེམས་རངས་པར་བྱའོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་བརྟན་པས
5b2 འདི་སྐད་ཅེས་གསོལ་ཏོ། ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཏིང་ངེ་འཛིན་གང་ལ་གནས་ན། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན
5b3 པར་རྫོགས་པར་འཚང་རྒྱ་བར་འགྱུར་བ་དང་། སངས་རྒྱས་བཅོམ་ལྡན་འདས་རྣམས་དང་མི་འབྲལ་བར་འགྱུར་བ་དང་། ཕྱོགས་བཅུར་སྣང་བའི་ཕྱིར་སྣང་བ་ཆེན་པོ་ཐོབ་པར་འགྱུར་བ་དང
5b4 བདུད་ཐམས་ཅད་ཚར་བཅད་པའི་ཕྱིར། ཤེས་རབ་རྒྱ་ཆེན་པོ་གྲགས་པས་རྣམ་པར་འཕྲུལ་བར་འགྱུར་བ་དང་། རང་བྱུང་གི་ཆོས་ཐོབ་པའི་ཕྱིར། ཡེ་ཤེས་ལ་དབང་དུ་འགྱུར་བ་དང་།
5b5 མ་བསྟན་པའི་ཡེ་ཤེས་དང་ལྡན་པའི་ཕྱིར། གཞན་གྱི་དྲིང་ལ་འཇོག་པར་མི་འགྱུར་བ་དང་། ཕྱི་མའི་མཐའ་ཡི་བསྐལ་པ་བྱེ་བ་སྟོན་པའི་ཕྱིར། སྤོབས་པ་རྒྱུན་མི་འཆད་པར་འགྱུར་བ་དང་།
5b6 ཚེ་བསྐལ་པ་དཔག་ཏུ་མེད་པར་འཛིན་པའི་ཕྱིར། རྫུ་འཕྲུལ་གྱི་རྐང་པ་ཐོབ་པར་འགྱུར་བ་དང་། སེམས་ཅན་ཉན་ཐོས་ཀྱི་ཐེག་པའི་ཆོས་ལ་མོས་པ་རྣམས་ལ་ཉན་ཐོས་ཀྱི་ཐེག་པ་སྟོན་པར་འགྱུར
5b7 བ་དང་། སེམས་ཅན་རང་སངས་རྒྱས་ཀྱི་ཐེག་པའི་ཆོས་ལ་མོས་པ་རྣམས་ལ། རང་སངས་རྒྱས་ཀྱི་ཐེག་པ་སྟོན་པར་འགྱུར་བ་དང་། སེམས་ཅན་ཐེག་པ་ཆེན་པོ་ལ་མོས་པ་རྣམས་ལ
iiif viewer powered by OpenSeadragon
