| e-texts navigator |
| Wylie |
4b1 འཇིག་རྟེན་སྐྱོང་བ་དང་། དེ་མ་ཡིན་པ་གཞན་ཡང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་།།
4b2 མི་དང་མི་མ་ཡིན་པ་གཟི་བརྗིད་ཆེ་བ། གཟི་བརྗིད་ཆེ་བ། ཆེ་ཞིང་ཆེ་བ་འོངས་ཤིང་ལྷགས་པ། དགེ་བའི་རྩ་བ་བསྐྱེད་པ། རྒྱ་ཆེན་པོ་ལ་མོས་པ། དེ་དག་ཐམས་ཅད་ཀྱང་འཁོར་དེར
4b3 ཚོགས་ཤིང་འཁོད་པར་གྱུར་ཏོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་བརྟན་པ་འཁོར་དེ་ཉིད་དུ་འདུས་པར་གྱུར་ཏེ། འདུག་པ་དེ་ཉིད་འདི་སྙམ་དུ་སེམས་ཏེ། གང
4b4 བདག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཇི་ལྟ་བུའི་ཞུ་བ་ཞུས་པས། སངས་རྒྱས་ཀྱི་རིགས་ཀྱང་ཡོངས་སུ་འཛིན་པར་འགྱུར་བ་དང་། ཆོས
4b5 ཀྱི་རིགས་ཀྱང་ཡོངས་སུ་བསྲུང་བར་འགྱུར་བ་དང་། དགེ་འདུན་གྱི་རིགས་ཀྱང་ཤིན་ཏུ་ཡོངས་སུ་འཛིན་པར་འགྱུར་བ་དང་། བདུད་ཀྱི་གནས་ཐམས་ཅད་ཀྱང་མོག་མོག་པོར་བྱས་པར་འགྱུར་བ
4b6 དང་། གང་ཟག་ལྷག་པའི་ང་རྒྱལ་ཅན་རྣམས་ཀྱང་ཤིན་ཏུ་ཚར་ཅོད་པར་འགྱུར་བ་དང་། སེམས་ཅན་དགེ་བའི་རྩ་བ་མ་བསྐྱེད་པ་རྣམས་ཀྱང་དགེ་བའི་རྩ་བ་བསྐྱེད་པར་འགྱུར་བ་དང་། སེམས་ཅན
4b7 དགེ་བའི་རྩ་བ་བསྐྱེད་པ་རྣམས་ཀྱང་དགེ་བའི་རྩ་བ་རྒྱས་པར་འཕེལ་བར་འགྱུར་བ་དང་། སེམས་ཅན་གང་དག་བྱང་ཆུབ་ཏུ་སེམས་མ་བསྐྱེད་པ་དེ་དག་ཀྱང་བྱང་ཆུབ་ཏུ་སེམས་བསྐྱེད་པར་འགྱུར་བ
iiif viewer powered by OpenSeadragon
