| e-texts navigator |
| Wylie |
46a1 གྲགས་པའི་རྒྱལ་པོའི་ཚེའི་ཚད་ནི་བསྐལ་པ་བར་མ་བཅུའི་ཚད་དུ་འགྱུར་རོ། ། སེམས་ཅན་རྣམས་ནི་ཐེག་པ་གསུམ་གྱིས་ངེས་པར་འབྱུང་བར་འགྱུར་རོ།། དེ་ན་བྱང་ཆུབ་སེམས་དཔའ་དཔའ
46a2 བར་འགྲོ་བའི་ཏིང་ངེ་འཛིན་ཐོབ་པ་དང་། ཆོས་ཐམས་ཅད་ལ་རྣམ་པར་འཕྲུལ་པ་དང་ལྡན་པ་ནི་ཚད་མེད་པར་འགྱུར་རོ།། བློ་གྲོས་བརྟན་པ་དེའི་ཚེ་དེའི་དུས་ན་གང་བདུད་དང་། བདུད་ཀྱི་རིས་ཀྱི་ལྷ་འབྱུང་བ་དེ་དག་ཐམས
46a3 ཅད་ཀྱང་ཐེག་པ་ཆེན་པོ་ལ་ཡང་དག་པར་ཞུགས་པར་འགྱུར། སེམས་ཅན་ཐམས་ཅད་ལ་སྙིང་རྗེས་གནས་པར་འགྱུར་རོ།། སངས་རྒྱས་ཀྱི་ཞིང་དེ་ཡང་ངན་སོང་གསུམ་ཡོངས་སུ་སྤངས་པར་འགྱུར། མི་ཁོམ
46a4 བཔ་བརྒྱད་ལས་འདས་པ་དང་། རྟག་ཏུ་བརྒྱན་པའི་སངས་རྒྱས་ཀྱི་ཞིང་དུ་འགྱུར་ཏེ། བྱང་སྒྲ་མི་སྙན་གྱི་གླིང་དང་འདྲ་བར་འགྱུར་རོ།། སངས་རྒྱས་ཀྱི་ཞིང་དེ་ནི་བདུད་དང་ཕྱིར་རྒོལ་བ་བཅོམ་པ་དང་། ལྟ་བ
46a5 ཐམས་ཅད་དང་བྲལ་བར་འགྱུར་རོ། ། བཅོམ་ལྡན་འདས་དེ་བཞིན་གཤེགས་པ་འོད་དྲི་མ་མེད་པར་གྲགས་པའི་རྒྱལ་པོ་ཡོངས་སུ་མྱ་ངན་ལས་འདས་ནས། བདེ་བར་གཤེགས་པས་གསུངས་པའི་དམ་པའི
46a6 ཆོས་ནི་ལོ་བྱེ་བ་ཕྲག་འབུམ་དུ་གནས་པར་འགྱུར་རོ། ། བློ་གྲོས་བརྟན་པ་ལྷའི་བུ་འདི་ནི་བཀོད་པ་འདི་ལྟ་བུས་མི་མཇེད་ཀྱི་འཇིག་རྟེན་གྱི་ཁམས་འདིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར
46a7 རྫོགས་པར་འཚང་རྒྱ་བར་འགྱུར་རོ། ། དེ་ནས་བྱང་ཆུབ་སེམས་དཔའ་བློ་གྲོས་བརྟན་པས། ལྷའི་བུ་སངས་རྒྱས་བློ་གྲོས་མངོན་སུམ་ལ་འདི་སྐད་ཅེས་སྨྲས་སོ།། ལྷའི་བུ་ཁྱོད་ནི་དེ་བཞིན
iiif viewer powered by OpenSeadragon
