| e-texts navigator |
| Wylie |
45b1 ཞེས་བགྱི་བར་འགྱུར། བཅོམ་ལྡན་འདས་དེའི་ཚེ་དེའི་དུས་ན། འཇིག་རྟེན་གྱི་ཁམས་འདི་མིང་ཇི་སྐད་ཅེས་བགྱི་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་བརྟན་པ་བསྐལ་པ་བཟང་པོ་འདི
45b2 འདས་ཤིང་། སངས་རྒྱས་སྟོང་ཡོངས་སུ་མྱ་ངན་འདས་ནས། བསྐལ་པ་དྲུག་ཅུ་རྩ་གཉིས་ན། སངས་རྒྱས་འབྱུང་བར་མི་འགྱུར་ཏེ། དེ་ན་རང་སངས་རྒྱས་ཀྱང་བྱེ་བ་ཁྲག་ཁྲིག་ཕྲག་བརྒྱ་སྟོང་འབྱུང་བར་འགྱུར་རོ།། བློ་གྲོས
45b3 བརྟན་པ་བསྐལ་པ་དྲུག་ཅུ་རྩ་གཉིས་པ་དེ་དག་འདས་ནས། ལྷའི་བུ་དེ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག
45b4 པར་རྫོགས་པའི་སངས་རྒྱས་འོད་དྲི་མ་མེད་པར་གྲགས་པའི་རྒྱལ་པོ་ཞེས་བྱ་བར་འགྱུར་རོ། ། བློ་གྲོས་བརྟན་པ་དེའི་ཚེ་དེའི་དུས་ན། མི་མཇེད་ཀྱི་འཇིག་རྟེན་གྱི་ཁམས་འདི་ནི་མཐོང་ན་དད་པ་ཞེས་བྱ་བའི་འཇིག་རྟེན་གྱི
45b5 ཁམས་སུ་འགྱུར་ཏེ། བློ་གྲོས་བརྟན་པ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་མཐོང་ན་དད་པ་ཞེས་བྱ་བའི་འཇིག་རྟེན་གྱི་ཁམས་དེ་ན། སེམས་ཅན་དེ་དག
45b6 ཐམས་ཅད་དད་པ་རྙེད་པས་མཛེས་པར་འགྱུར་ཏེ། དེ་ན་སེམས་ཅན་གང་ཡང་འདོད་ཆགས་ཀྱིས་སེམས་ཀུན་ཏུ་དཀྲིས་ཤིང་འདུག་པར་མི་འགྱུར།། ཞེ་སྡང་གིས་སེམས་ཀུན་ཏུ་དཀྲིས་ཤིང་འདུག་པར་མི་འགྱུར། གཏི
45b7 མུག་གིས་སེམས་ཀུན་ཏུ་དཀྲིས་ཤིང་འདུག་པར་མི་འགྱུར་ཏེ། སེམས་ཅན་དེ་དག་ཐམས་ཅད་ཆོས་སྤྱོད་པ་དང་ལྡན་ཞིང་ཆོས་ལ་དད་པ་རྙེད་པར་འགྱུར་རོ།། བློ་གྲོས་བརྟན་པ་དེ་བཞིན་གཤེགས་པ་འོད་དྲི་མ་མེད་པར
iiif viewer powered by OpenSeadragon
