| e-texts navigator |
| Wylie |
43b1 ཀྱི་བུ་ཇི་ལྟར་དེ་བཞིན་གཤེགས་པས་གནས་མེད་པ་ལ་གནས་ཏེ། སྤྲུལ་པ་སྤྲུལ་པར་མཛད་པ་བཞིན་དུ་སྤྲུལ་པ་དེ་དག་ཀྱང་། གནས་མེད་པ་ལ་གནས་བཞིན་དུ་འཆད་དོ།། རིགས་ཀྱི་བུ་དེ་བཞིན་དུ་ཆོས
43b2 ཐམས་ཅད་ནི་གནས་མེད་པ་ལ་གནས་པ་ཡིན་ཏེ། བདག་ཀྱང་གནས་མེད་པ་ལ་གནས་ནས། ཏིང་ངེ་འཛིན་འདི་འཆད་དོ།། སྨྲས་པ། ལྷའི་བུ་གནས་མེད་པ་ལ་གནས་ན། ཁྱོད་ཇི་ལྟར་སྤོབས་པར་འགྱུར།། སྨྲས་པ།
43b3 ཇི་ལྟར་གནས་པ་དེ་བཞིན་དུ་སྤོབས་སོ།། སྨྲས་པ། ལྷའི་བུ་ཇི་ལྟར་ན། བྱང་ཆུབ་སེམས་དཔའ་སྤོབས་པ་ཕུན་སུམ་ཚོགས་པ་ཡིན། སྨྲས་པ། རིགས་ཀྱི་བུ་གང་གི་ཚེ། བྱང་ཆུབ་སེམས་དཔའ་བདག་ཏུ་འདུ་ཤེས
43b4 པས་མི་འཆད། གང་ཟག་ཏུ་འདུ་ཤེས་པ་དང་། སེམས་ཅན་དུ་འདུ་ཤེས་པ་དང་། ཆོས་སུ་འདུ་ཤེས་པས་མི་འཆད་པ་དེ་ལྟ་བུ་ནི། རིགས་ཀྱི་བུ་བྱང་ཆུབ་སེམས་དཔའ་སྤོབས་པ་ཕུན་སུམ་ཚོགས་པ་ཡིན་ཏེ། ཆོས
43b5 འཆད་པ་ན། ཇི་ལྟར་ཡི་གེ་མི་ཟད་ཅིང་ཟད་པར་མི་འགྱུར་བ་དེ་བཞིན་དུ། ཆོས་མི་ཟད་ཅིང་ཟད་པར་མི་འགྱུར་ལ། ཡི་གེ་རྣམ་པ་སྣ་ཚོགས་སུ་ཡང་མི་འཆད། ཆོས་རྣམ་པ་སྣ་ཚོགས་སུ་ཡང་མི་འཆད་དེ། རིགས་ཀྱི་བུ་དེ་ལྟར
43b6 ན། བྱང་ཆུབ་སེམས་དཔའ་སྤོབས་པ་ཕུན་སུམ་ཚོགས་པ་ཡིན་ནོ།། རིགས་ཀྱི་བུ་གཞན་ཡང་གང་གི་ཚེ། བྱང་ཆུབ་སེམས་དཔའ་སེམས་ཀྱི་སྒྱུ་མའི་ཆོས་ཉིད་ཀྱང་མི་འདོར། འདོད་ཆགས་དང་བྲལ་བའི་ཆོས་ཉིད་ཀྱང་མི
43b7 འདོར། ཁྲག་ཆའི་སྒྲ་ལྟ་བུའི་ཆོས་ཉིད་ཀྱང་མི་འདོར་ན། རིགས་ཀྱི་བུ་དེ་ལྟ་བུ་ནི་བྱང་ཆུབ་སེམས་དཔའི་སྤོབས་པ་ཕུན་སུམ་ཚོགས་པ་ཡིན་ནོ།། ཇི་ལྟར་ཡི་གེ་དེ་དག་ཡུལ་ན་མི་གནས། ཕྱོགས་ན་མི་གནས། ནང་ན
iiif viewer powered by OpenSeadragon
