| e-texts navigator |
| Wylie |
426a1 ཏུ་དགའ་བའི་ཚིག་ཐོས་པར་བྱེད་པས་གྲུབ་པའོ། ། དེ་བཞིན་གཤེགས་པའི་སྤྱན་མཐོན་མཐིང་འདི་ནི། སྔོན་བྱམས་པ་དང་ལྡན་པས་སེམས་ཅན་ཡང་དག་པར་བསྲུངས
426a2 པས་སོ། ། སྤྱན་གྱི་རྫི་མ་པའི་འདྲ་བ་འདི་ནི། སྔོན་བསམ་པ་བཅོས་མ་མ་ཡིན་པས་སོ།། པགས་པ་སྲབ་པ་འདི་ནི་སྔོན་ཆོས་ཡང་དག་པར་སྡུད་པ་ལས་སུ་རུང་བས་མངོན་པར་གྲུབ་པའོ།།
426a3 དེ་བཞིན་གཤེགས་པའི་པགས་པའི་མདོག་གསེར་འདྲ་བ་འདི་ནི། སྔོན་མལ་ཆ་དང་། གདིང་བ་དང་གོས་ལིང་དུ་འོང་བ་བྱིན་པས་མངོན་པར་གྲུབ་པའོ།། དེ་བཞིན་གཤེགས་པའི་སྤུའི་ཁུང
426a4 བུ་རེ་རེ་བ་འདི་ནི། སྔོན་འདུ་འཇི་ཡོངས་སུ་སྤངས་པས་མངོན་པར་གྲུབ་པའོ།། དེ་བཞིན་གཤེགས་པའི་སྤུ་གྱེན་དུ་གཡས་ཕྱོགས་སུ་འཁྱིལ་བ་འདི་ནི། སྔོན་མཁན་པོ་དང་།། སློབ་དཔོན
426a5 དང་དགེ་བའི་བཤེས་གཉེན་གྱིས་རྗེས་སུ་བསྟན་པ་ལ་མཐུན་པར་འཛིན་པས་གྲུབ་པའོ། ། དེ་བཞིན་གཤེགས་པའི་དབུ་སྐྲ་རིན་པོ་ཆེ་ཨིནྡྲ་ནི་ལ་ལྟ་བུ་འདི་ནི། སྔོན་སེམས་ཅན་གྱི
426a6 སྲོག་ལ་སྙིང་བརྩེ་བ་དང་། བོང་བ་དང་། དབྱུགས་པ་དང་། མཚོན་ཆ་བོར་བས་གྲུབ་པའོ།། དེ་བཞིན་གཤེགས་པའི་སྨིན་མཚམས་ཀྱི་སྒོའི་བར་གྱི་དཔྲལ་བའི་སྤུ་ཤིན་ཏུ
426a7 དཀར་བ་འདི་ནི། སྔོན་བསྔགས་པར་འོས་པ་རྣམས་ཀྱི་བསྔགས་པ་བརྗོད་པས་མངོན་པར་གྲུབ་པའོ།། དེ་བཞིན་གཤེགས་པའི་དབུ་གཙུག་ཏོར་དང་ལྡན་པ་འདི་ནི། སྔོན་བླ་མ་ལ
iiif viewer powered by OpenSeadragon
