| e-texts navigator |
| Wylie |
425a1 སྦ་བ་བྱས་པས་མངོན་པར་གྲུབ་པའོ། ། དེ་བཞིན་གཤེགས་པའི་སྐྱེས་བུ་ཆེན་པོའི་མཚན་ཕྱག་དང་ཞབས་དྲ་བས་འབྲེལ་པ་འདི་ནི། སྔོན་གཡོག་འཁོར་གྱི་དབྱེན་མ་བྱས་པས
425a2 མངོན་པར་གྲུབ་པའོ། ། དེ་བཞིན་གཤེགས་པའི་སྐྱེས་བུ་ཆེན་པོའི་མཚན་ཕྱག་དང་ཞབས་འཇམ་ཞིང་གཞོན་ཤ་ཆགས་པ་འདི་ནི། སྔོན་ཀོས་དམ་པ་སྣ་ཚོགས་རབ་ཏུ་བྱིན་པས་མངོན་པར་གྲུབ་པའོ།།
425a3 དེ་བཞིན་གཤེགས་པའི་སྐྱེས་བུ་ཆེན་པོའི་མཚན་འདུན་མཐོ་བའི་སྐུ་དང་ལྡན་པ་འདི་ནི། སྔོན་བཟའ་བ་དང་། བཏུང་བ་རྒྱ་ཆེན་པོ་བྱིན་པས་མངོན་པར་གྲུབ་པའོ།། དེ་བཞིན་གཤེགས་པའི་སྐྱེས
425a4 བུ་ཆེན་པོའི་མཚན་བྱིན་པ་རི་དགས་ཨེ་ནྱ་ཡའི་ལྟ་བུ་འདི་ནི། སྔོན་སངས་རྒྱས་ཀྱི་ཆོས་ཡོངས་སུ་བཟུང་བས་མངོན་པར་གྲུབ་པའོ།། དེ་བཞིན་གཤེགས་པའི་སྐྱེས་བུ་ཆེན་པོའི་མཚན་མདོམས་ཀྱི་སྦ་བ
425a5 སྦུབས་སུ་ནུབ་པ་འདི་ནི། སྔོན་གསང་བའི་ཚིག་བསྲུངས་པ་དང་། འཁྲིག་པའི་ཆོས་སྤངས་པས་མངོན་པར་གྲུབ་པའོ།། དེ་བཞིན་གཤེགས་པའི་སྐྱེས་བུ་ཆེན་པོའི་མཚན་རོ་སྟོད་སེང་གེའི
425a6 འདྲ་བ་འདི་ནི། སྔོན་དགེ་བའི་ལས་ཀུན་ཏུ་བསྲུང་བས་མངོན་པར་གྲུབ་པའོ།། དེ་བཞིན་གཤེགས་པའི་སྐྱེས་བུ་ཆེན་པོའི་མཚན་ཐལ་གོང་རྒྱས་པ་འདི་ནི། སྔོན་དགེ་བའི་ཆོས་ཡང་དག་པར་སྤྱད་པས
425a7 མངོན་པར་གྲུབ་པའོ། ། དེ་བཞིན་གཤེགས་པའི་དཔུང་མགོ་ཤིན་ཏུ་ཟླུམ་པ་འདི་ནི། སྔོན་གཞན་དག་ལ་དབུགས་འབྱིན་པས་མངོན་པར་གྲུབ་པའོ།། དེ་བཞིན་གཤེགས་པའི་ཕྱག་མ་བཏུད་པར
iiif viewer powered by OpenSeadragon
