| e-texts navigator |
| Wylie |
424b1 ལྗགས་ཤིན་ཏུ་རིང་བ་དང་། རོ་བྲོ་བའི་མཆོག་དང་ལྡན་པ་དང་། ཚངས་པའི་དབྱངས་དང་བྱ་ཀ་ལ་འདིའི་སྒྲ་དབྱངས་དང་། སྤྱན་མཐོན་མཐོང་དང་། སྤྱན་གྱི་རྫི་མཔའི་འདྲ་བ་དང
424b2 པགས་པ་སྲབ་པ་དང་། པགས་པའི་མདོག་གསེར་འདྲ་བ་དང་། སྤུའི་ཁུང་བུ་རེ་རེ་བ་དང་། སྤུ་གྱེན་དུ་གཡས་ཕྱོགས་སུ་འཁྱིལ་བ་དང་། དབུ་སྐྲ་རིན་པོ་ཆེ་ཨིནྡྲ་ནི་ལ་ལྟ་བུ་དང
424b3 སྨིན་མཚམས་ཀྱི་སྒོའི་བར་གྱི་དཔྲལ་བའི་སྤུ་ཤིན་ཏུ་དཀར་བ་དང་། དབུ་གཙུག་ཏོར་དང་ལྡན་པ་དང་། དེ་བཞིན་གཤེགས་པའི་སྐུ་ཤིང་ནྱ་གྲོང་ལྟར་ཆུ་ཞེང་གབ་པ་དང་། ཀུན་ཏུ་མཛེས
424b4 པ་འདི་ནི། སྐྱེས་བུ་ཆེན་པོའི་མཚན་ཏེ། འདི་དག་ནི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་སོ།། དེ་བཞིན་གཤེགས་པའི་སྐྱེས་བུ་ཆེན་པོའི་མཚན་ཞབས་ཤིན་ཏུ་གནས་པ་འདི་ནི
424b5 སྔོན་ཡི་དམ་ལ་བརྟན་པས་མངོན་པར་གྲུབ་པའོ། ། དེ་བཞིན་གཤེགས་པའི་སྐྱེས་བུ་ཆེན་པོའི་མཚན་ཞབས་ཀྱི་འོག་གི་མཐིལ་གཉིས་འཁོར་ལོའི་མཚན་དང་ལྡན་པ་འདི་ནི་སྔོན་སྦྱིན་པ
424b6 སྣ་ཚོགས་བསགས་པས་མངོན་པར་གྲུབ་པའོ། ། དེ་བཞིན་གཤེགས་པའི་སྐྱེས་བུ་ཆེན་པོའི་མཚན་རྟིང་པ་ཡངས་ཤིང་ཞབས་བྱིན་གྱིས་མཐོ་བ་འདི་ནི། སྔོན་སེམས་ཅན་གཞན་ལ་སྤ་བཀོད
424b7 བ་མ་བྱས་པས་མངོན་པར་གྲུབ་པའོ། ། དེ་བཞིན་གཤེགས་པའི་སྐྱེས་བུ་ཆེན་པོའི་མཚན་སོར་མོ་རིང་བ་འདི་ནི། སྔོན་སེམས་ཅན་རྣམས་ལ་ཆོས་ཀྱི་བསྲུང་བ་དང་། བསྐྱབ་པ་དང
iiif viewer powered by OpenSeadragon
