| e-texts navigator |
| Wylie |
422a1 ཐལ་མོ་སྦྱར་བའི་འོས་སུ་གྱུར་པ། ཕྱག་བྱ་བའི་འོས་སུ་གྱུར་པ། བསོད་ནམས་ཀྱི་ཞིང་བླ་ན་མེད་པ་སྟེ། འཇིག་རྟེན་གྱི་སྦྱིན་གནས་ཡིན་ནོ་ཞེས་དགེ་འདུན་ལ་ཤེས་ནས་དད་པ་དང
422a2 ལྡན་པ་ཡིན། འཕགས་པ་བཞེད་པའི་ཚུལ་ཁྲིམས་རྣམས་དང་ལྡན་པ་ཡིན་ཏེ། ཚུལ་ཁྲིམས་དེ་དག་ནི་མ་ཉམས་པ། མ་ཞིག་པ་མ་རལ་པ། འདྲེན་མར་མ་གྱུར་པ། སྲ་སྲར་མ་ཡིན་པ། རང་དབང་ཅན
422a3 མ་འཕགས་པ། ཤིན་ཏུ་རྫོགས་པ། མཁས་པས་བསྔགས་པ། མཁས་པ་དག་གིས་མ་སྨད་པ་དག་སྟེ། འདི་དག་ནི་རྒྱུན་ཏུ་ཞུགས་པའི་ཡན་ལག་བཞིའོ།། དགེ་སློང་དག་དེ་ལ་དེ་བཞིན
422a4 གཤེགས་པའི་སྟོབས་བཅུ་གང་ཞེ་ན། དགེ་སློང་དག་དེ་ལ་དེ་བཞིན་གཤེགས་པ་ནི་གནས་ལ་ཡང་གནས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཅིང་། གནས་མ་ཡིན་པ་ལ་ཡང་གནས་མ་ཡིན་པར་ཡང་དག
422a5 པ་ཇི་ལྟ་བ་བཞིན་དུ་རབ་ཏུ་མཁྱེན་ཏེ། འདི་ནི་དེ་བཞིན་གཤེགས་པའི་སྟོབས་དང་པོའོ།། འདས་པ་དང་། མ་འོངས་པ་དང་། ད་ལྟར་བྱུང་བའི་ལམ་ཡང་དག་པར་འཛིན་པ་དང་། རྣམ་པར་སྨིན་པ་ཡང་དག་པ་ཇི
422a6 ལྟ་བ་བཞིན་དུ་རབ་ཏུ་མཁྱེན་ཏོ། ། སེམས་ཅན་ཕ་རོལ་མོས་པ་དུ་མ་ཅན་དག་གི་མོས་པ་སྣ་ཚོགས་ཡང་དག་པ་ཇི་ལྟ་བ་བཞིན་དུ་ས་ཏུ་མཁྱེན་ཏོ།། ཁམས་དུམ་པའི་འཇིག་རྟེན་གྱི་ཁམས་སྣ་ཚོགས་ཅན་དུ་ཡང
422a7 དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ། ། སེམས་ཅན་གཞན་དག་གི་དབང་པོ་མཆོག་དང་། མཆོག་མ་ཡིན་པ་ཤེས་པ་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ།། ཐམས་ཅད་དུ་འགྲོ་བའི་ལམ་ཡང་དག
iiif viewer powered by OpenSeadragon
