| e-texts navigator |
| Wylie |
41b1 ཐམས་ཅད་ནི་འདུ་བ་མེད་པའི་དེ་བཞིན་ཉིད་དང་ལྡན་ནོ། ། ཆོས་ཐམས་ཅད་ནི་འབྲལ་བ་མེད་པའི་དེ་བཞིན་ཉིད་དང་ལྡན་ནོ།། ཆོས་ཐམས་ཅད་ནི་ནམ་མཁའ་བཞིན་དུ་དབེན་པ་དང་ལྡན་ནོ།། ཆོས་ཐམས
41b2 ཅད་ནི་སྟོང་པ་ཉིད་ཀྱི་མཉམ་པ་ཉིད་དང་ལྡན་ནོ། ། ཆོས་ཐམས་ཅད་ནི་མ་སྐྱེས་པའི་ཆོས་ཉིད་དང་ལྡན་ཏེ་འཆི་བ་ཕོ་མེད་དོ།། སྨྲས་པ། ལྷའི་བུ་དཔའ་བར་འགྲོ་བའི་ཏིང་ངེ་འཛིན་གང་དུ་འགྲོ་བ་ཡིན།། སྨྲས་པ
41b3 རིགས་ཀྱི་བུ་དཔའ་བར་འགྲོ་བའི་ཏིང་ངེ་འཛིན་ནི་སེམས་ཅན་ཐམས་ཅད་ཀྱི་སེམས་དང་སྤྱོད་པ་ལ་འགྲོ་བ་ཡང་ཡིན་ལ། སེམས་དང་ལྟ་བ་དང་། དམིགས་པར་འདུ་ཤེས་པ་ལ་འགྲོ་བ་ནི་མ་ཡིན་ནོ།། སྲིད་པར
41b4 འགྲོ་བའི་འཆི་འཕོ་དང་སྐྱེ་བ་ཐམས་ཅད་དུ་འགྲོ་བ་ཡང་ཡིན་ལ། སྲིད་པར་འགྲོ་བའི་ཉོན་མོངས་པར་འགྲོ་བ་ནི་མ་ཡིན་ནོ།། རིགས་ཀྱི་བུ་དཔའ་བར་འགྲོ་བའི་ཏིང་ངེ་འཛིན་ནི། ཏིང་ངེ་འཛིན་ཐམས་ཅད་སྟོན་པར
41b5 འགྲོ་བ་ཡང་ཡིན་ལ། མཉམ་པ་ཉིད་འཁྲུགས་པར་འགྲོ་བ་ནི་མ་ཡིན་ནོ།། སངས་རྒྱས་ཀྱི་ཞིང་ཐམས་ཅད་དུ་འཇུག་པར་འགྲོ་བ་ཡང་ཡིན་ལ། ཞིང་སྣ་ཚོགས་སུ་འདུ་ཤེས་པར་འགྲོ་བ་ནི་མ་ཡིན་ནོ།། སངས་རྒྱས
41b6 ཀྱི་ཞིང་ཐམས་ཅད་སྟོན་པར་འགྲོ་བ་ཡང་ཡིན་ལ། སངས་རྒྱས་ཀྱི་གཟུགས་དང་། མཚན་ལ་རྣམ་པར་རྟོག་ཅིང་སྟོན་པར་འགྲོ་བ་ནི་མ་ཡིན་ནོ།། སྒྲ་དང་སྐད་ཐམས་ཅད་སྟོན་པར་འགྲོ་བ་ཡང་ཡིན་ལ། ཡི་གེའི
41b7 འདུ་ཤེས་ཡོངས་སུ་རྟོགས་པར་འགྲོ་བ་ནི་མ་ཡིན་ནོ། ། རིགས་ཀྱི་བུ་དཔའ་བར་འགྲོ་བའི་ཏིང་ངེ་འཛིན་ནི། སངས་རྒྱས་ཐམས་ཅད་མཐོང་བར་འགྲོ་བ་ཡང་ཡིན་ལ། ཤིན་ཏུ་མཐོང་བར་འགྲོ་བ་ནི་མ་ཡིན་ནོ།། རིགས
iiif viewer powered by OpenSeadragon
