| e-texts navigator |
| Wylie |
413a1 དབང་པོ་དང་། ཏིང་ངེ་འཛིན་གྱི་དབང་པོ་དང་། ཤེས་རབ་ཀྱི་དབང་པོའོ།། དེ་འཇིག་རྟེན་ལས་འདས་པའི་དབང་པོ་དེ་དག་ཆེ་བ་དང་། རྣོ་བ་དང་། མྱུར་བར་འཇུག་པའི་ཕྱིར་འདི་ལྟ
413a2 སྟེ། ཟག་པ་རྣམས་ཟད་པར་བྱ་བ་ལ། བར་ཆད་མེད་པའི་ཏིང་ངེ་འཛིན་ལ་རེག་པ་མྱུར་བ་ཉིད་དེ། འདི་ནི་མངོན་པར་ཤེས་པ་མྱུར་ལ་སླ་བའི་ལམ་སྟེ། འདི་དག་ནི་ལམ་བཞིའོ།། དེ་ལ་ཏིང་ངེ་འཛིན་བསྒོམ་པ
413a3 བཞི་གང་ཞེ་ན། དགེ་སློང་དག་ཏིང་ངེ་འཛིན་བསྒོམ་པ་ཀུན་ཏུ་བསྟེན་ཏེ། བསྒོམས་ཤིང་མང་དུ་བྱས་ན། འདོད་ཆགས་སྤོང་བར་འགྱུར་བ་ཡང་ཡོད། ཏིང་ངེ་འཛིན་སྒོམ་པ་ཀུན་ཏུ་བསྟེན་ཏེ། བསྒོམས་ཤིང
413a4 མང་དུ་བྱས་ན། མཐོང་བའི་ཆོས་ལ་བདེ་བར་གནས་པར་འགྱུར་བ་ཡང་ཡོད། ཏིང་ངེ་འཛིན་སྒོམ་པ་ཀུན་ཏུ་བསྟེན་ཏེ། བསྒོམས་ཤིང་མང་དུ་བྱས་ན། ཡེ་ཤེས་མཐོང་བ་ཐོབ་པར་འགྱུར་བ་ཡང་ཡོད
413a5 ཏིང་ངེ་འཛིན་སྒོམ་པ་ཀུན་ཏུ་བསྟེན་ཏེ། བསྒོམས་ཤིང་མང་དུ་བྱས་ན། ཤེས་རབ་འཐོབ་པར་འགྱུར་བ་ཡང་ཡོད་དོ།། དེ་ལ་ཏིང་ངེ་འཛིན་སྒོམ་པ་ཀུན་ཏུ་བསྟེན་ཏེ། བསྒོམས་ཤིང་མང་དུ་བྱས་ན།
413a6 འདོད་ཆགས་སྤོང་བར་འགྱུར་བ་གང་ཞེ་ན། དགེ་སློང་དག་འདི་ལ་དགེ་སློང་དགོན་པ་ན་འདུག་ཀྱང་རུང་། ཤིང་དྲུང་ན་འདུག་ཀྱང་རུང་། ཁང་སྟོང་ན་འདུག་ཀྱང་རུང་སྟེ། ལུས་འདི་ཉིད་ལ་འོག་གི་རྐང
413a7 མཐིལ་ཡན་ཆད་སྐྲ་དང་། ཀླད་པ་ལ་ཐུག་གི་བར་དུ་མི་གཙང་བ་རྣམ་པ་སྣ་ཚོགས་ཀྱིས་གང་བར་ཡང་དག་པ་ཇི་ལྟ་བ་བཞིན་སོ་སོར་རྟོགས་སྟེ། ལུས་འདི་ལ་ཡོད་པ་ནི་སྒྲ་དང་། ཁ་སྤུ་དང་། སོ་དང་།
iiif viewer powered by OpenSeadragon
