| e-texts navigator |
| Wylie |
412a1 སྡུག་བསྔལ་དང་། ཡིད་མི་བདེ་བ་རྒྱུན་མི་འཆད་པར་མྱོང་། ཞེ་སྡང་གི་ཤས་ཆེ་བས་ཞེ་སྡང་ལས་བྱུང་བའི་སྡུག་བསྔལ་དང་། ཡིད་མི་བདེ་བ་རྒྱུན་མི་འཆད་པར་མྱོང་། གཏི།
412a2 མུག་གི་ཤས་ཆེ་བས་གཏི་མུག་ལས་བྱུང་བའི་སྡུག་བསྔལ་དང་། ཡིད་མི་བདེ་བ་རྒྱུན་མི་འཆད་པར་མྱོང་ཡང་དེའི་འཇིག་རྟེན་ལས་འདས་པའི་དབང་པོ་ལྔ་པོ་འདི་དག་ཆེ་བ་དང་། རྣོ་བ་དང་། མྱུར་བར
412a3 འཇུག་པ་ཡིན་ནོ། ། ལྔ་གང་ཞེ་ན། འདི་ལྟ་སྟེ། དད་པའི་དབང་པོ་དང་། བརྩོན་འགྲུས་ཀྱི་དབང་པོ་དང་། དྲན་པའི་དབང་པོ་དང་། ཏིང་ངེ་འཛིན་གྱི་དབང་པོ་དང་། ཤེས་རབ་ཀྱི་དབང་པོའོ།།
412a4 དེའི་འཇིག་རྟེན་ལས་འདས་པའི་དབང་པོ་ལྔ་པོ་འདི་དག་ཆེ་བ་དང་། རྣོ་བ་དང་། མྱུར་བར་འཇུག་པའི་ཕྱིར། འདི་ལྟ་སྟེ། ཟག་པ་རྣམས་ཟད་པར་བྱ་བའི་བར་ཆད་མེད་པའི་ཏིང་ངེ་འཛིན་ལ་རེག་པ་མྱུར་བ
412a5 ཉིད་དེ། འདི་ནི་མངོན་པར་ཤེས་པ་མྱུར་ལ་དཀའ་བའི་ལམ་མོ།། དེ་ལ་མངོན་པར་ཤེས་པ་བུལ་ལ་སླ་བའི་ལམ་གང་ཞེ་ན། འདི་ལ་ཁ་ཅིག་རང་བཞིན་གྱིས་འདོད་ཆགས་ཀྱི་ཤས་ཆུང་བ་དང་། ཞེ
412a6 སྡང་གི་ཤས་ཆུང་བ་དང་། གཏི་མུག་གི་ཤས་ཆུང་བ་ཡིན་ཏེ། འདོད་ཆགས་ཀྱི་ཤས་ཆུང་བས་འདོད་ཆགས་ལས་བྱུང་བའི་སྡུག་བསྔལ་དང་། ཡིད་མི་བདེ་བ་རྒྱུན་མི་འཆད་པར་མྱོང་བ་མ་ཡིན། ཞེ་སྡང
412a7 གི་ཤས་ཆུང་བས་ཞེ་སྡང་ལས་བྱུང་བའི་སྡུག་བསྔལ་དང་། ཡིད་མི་བདེ་བ་རྒྱུན་མི་འཆད་པར་མྱོང་བ་མ་ཡིན། གཏི་མུག་གི་ཤས་ཆུང་བས་གཏི་མུག་ལས་བྱུང་བའི་སྡུག་བསྔལ་དང་། ཡིད་མི་བདེ
iiif viewer powered by OpenSeadragon
