| e-texts navigator |
| Wylie |
409a1 ཞེ་ན། ནམ་མཁའ་མཐའ་ཡས་སྐྱེ་མཆེད་དུ་ཉེ་བར་འགྲོ་བའི་ལྷ་རྣམས་ནས་ཉེ་བར་བཟུང་སྟེ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དུ་ཉེ་བར་འགྲོ་བའི་ལྷ་རྣམས་ཀྱི་བར
409a2 འདི་ནི། གཟུགས་མེད་པའི་སྲིད་པ་ཞེས་བྱའོ།། སྲིད་པའི་རྐྱེན་གྱིས་སྐྱེ་བ་ཞེས་བྱ་བ་ལ། སྐྱེ་བ་གང་ཞེ་ན། གང་སེམས་ཅན་དེ་དང་སེམས་ཅན་གྱིས་རིས་དེ་དང་དེ་དག་ཏུ་སྐྱེ་བ་དང་། རྫོགས་པར་སྐྱེ་བ་དང་།
409a3 འཇུག་པ་དང་། མངོན་པར་འགྲུབ་པ་དང་། ཕུང་པོ་རྣམས་འབྱུང་བ་དང་།། སྐྱེ་མཆེད་རྣམས་རབ་ཏུ་ཐོབ་པ་དང་། སྲོག་གི་དབང་པོ་འབྱུང་བ་དང་། རིས་མཐུན་པ་དང་ཕྲད་པ་སྟེ། འདི་ནི་སྐྱེ་བ་ཞེས
409a4 བྱའོ། ། སྐྱེ་བའི་རྐྱེན་གྱིས་རྒ་ཤི་ཞེས་བྱ་བ་ལ། རྒས་པ་གང་ཞེ་ན། སྤྱི་ཐར་བ་དང་། སྒྲ་སྐྱེ་བ་དང་། གཉེར་མ་མང་བ་དང་། འཁོགས་པ་དང་། ཤོམ་པ་དང་། སྐུར་ཏེ་གདུང་རྟེན་ལྟར་དགུ་པ་དང་།
409a5 སྒྲ་ངར་ངར་པོར་གྱུར་ཅིང་དབུགས་རྒྱུ་བའི་ལུས་སུ་གྱུར་པ་དང་། ལུས་སྨེ་བ་ལྟ་བུས་གང་བ་དང་། ལུས་མདུན་དུ་དགུ་པ་དང་། འཁར་བ་ལ་རྟེན་པ་དང་། དབང་པོ་རྣམས་ཡོངས་སུ་སྨིན་པ་དང
409a6 ཡོངས་སུ་ཞིགས་པ་དང་། འདུ་བྱེད་རྣམས་རྙིངས་པ་དང་། ཤིག་ཤིག་པོར་གྱུར་པ་དང་། བློང་བ་དང་། ཞན་པ་དང་། ཉམས་པ་དང་། ཡོངས་སུ་ཉམས་པ་སྟེ། འདི་ནི་རྒ་བ་ཞེས་བྱའོ།། འཆི་བ
409a7 གང་ཞེ་ན། གང་སེམས་ཅན་དེ་དང་། དེ་དག་སེམས་ཅན་གྱིས་རིགས་དེ་དང་དེ་དག་ནས་འཆི་བ་དང་། འཕོ་བ་དང་། ཞིག་པ་དང་། མི་རྟག་པར་འགྱུར་བ་དང་། འཆི་བའི་དུས་བྱེད་པ་དང
iiif viewer powered by OpenSeadragon
