| e-texts navigator |
| Wylie |
17b1 སྟོན་གང་དག་ཅི་ཡོད་པ། ། དེ་ཀུན་ཤེས་རབ་ལྡན་པས་ལེན།། རྨོངས་པ་དག་ཏུ་འགྱུར་བ་མེད།། མིག་སོར་ལྟ་བུའི་ལུས་རྣམས་ཀྱིས།། ཞིང་ཀུན་ཏུ་ཡང་སྣང་བར་འགྱུར།། ནད་མེད་ཐེག
17b2 པ་ཐམས་ཅད་པ། ། བློ་ལྡན་སངས་རྒྱས་བཞིན་དུ་འཆད།། བརྟུལ་ཞུགས་བརྟན་པར་གྱུར་པ་དེ།། ཐེག་ཆེན་དེ་ལས་མི་ཉམས་ཏེ།། དཀོན་མཆོག་གསུམ་རིགས་གནས་བྱ་ཕྱིར།། དེ་ལྟར
17b3 རྣམ་པ་གསུམ་དུ་འཆད། ། ཕྱི་མའི་མཐར་ནི་གོ་བགོས་ཀྱང་།། དེ་ནི་སྐྱེ་བར་མི་འགྱུར་ཏེ།། སྙིང་རྗེས་ལས་ནི་བྱུང་བ་དེ།། སེམས་ཅན་རིས་ནི་ཀུན་ན་སྣང་།། ཤིན་ཏུ་བློ་དང་ལྡན་པ་ཡིས།།
17b4 སྐྱེ་བའི་མཚན་ནི་ཀུན་བསྟན་ཏེ།། མཁས་པས་སེམས་ཅན་ཐམས་ཅད་ནི། མྱུར་དུ་ཡོངས་སུ་སྨིན་པར་བྱེད།། སེམས་ཅན་ཀུན་གྱི་བསམ་པ་དང་།། སེམས་ཀྱི་སྤྱོད་ཡུལ་ཤེས་པས་ན།། །
17b5 དེ་བས་དེ་ནི་ཉན་ཐོས་དང་།། ལུས་ཅན་ཀུན་གྱིས་རྟོགས་པར་དཀའ།། གང་དུ་གཉིས་ནི་མེད་པ་དེར།། དབྱངས་ཀྱི་ཡན་ལག་ཀུན་སྒྲུབ་སྒྲུབ།། ཆོས་རྣམས་ཀུན་ལས་འཕགས་ཞི་བ།།
17b6 གཞལ་ཡས་ཆོས་ནི་སྟོན་པར་བྱེད།། རྣམ་གྲོལ་ཤེས་པ་བསྐལ་གཅིག་ཏུ།། བསྐལ་པ་དུ་མ་སྟོན་པར་བྱེད།། བསྐལ་པ་རྣམ་པ་དུ་མ་དག། བསྐལ་པ་གཅིག་ཏུ་སྟོན་པར་བྱེད།། ཞིང་ནི
17b7 རྣམ་པ་དུ་མ་དག། ཞིང་གཅིག་ཏུ་ནི་སྟོན་པར་བྱེད།། ཞིང་གཅིག་རྣམ་པ་དུ་མ་ཡི།། ཞིང་རྣམས་སུ་ནི་སྟོན་པར་བྱེད།། གྲཝ་ཡིད་རྩེ་མོ་གཅིག་ཏུ་ཡང་།། ཞིང་རྣམས་ཐམས་ཅད་སྟོན་པར་བྱེད།
iiif viewer powered by OpenSeadragon
