| e-texts navigator |
| Wylie |
16b1 འཛིན་གནས་པ་ཡང་། ། ཡིད་ནི་དེ་ལྟར་སྒོམ་པར་བྱེད།། གང་ཕྱིར་ལུས་ཅན་ཐམས་ཅད་ཀྱི།། རྣམ་པར་བཅས་པའི་སེམས་ཤེས་པ།། དེས་ན་འདི་ནི་བདག་ཉིད་ཆེ།། དེ་ཡི་མཚན་མར་རབ
16b2 ཏུ་ཤེས། ། དཔའ་འགྲོ་རྟོགས་པར་ཁོང་ཆུད་པས།། སེམས་ཅན་དག་གིས་དབང་པོ་རྣམས།། རྣོ་བ་དག་དང་རྟུལ་བ་དང་།། གནས་དང་གནས་མ་ཡིན་པ་ཤེས།། ལས་ཀུན་རྣམ་པར་ཕྱེ་བ
16b3 དང་། རྣམ་པར་སྨིན་པ་སྣ་ཚོགས་དང་།། སེམས་ཅན་རྣམས་ཀྱི་མོས་པ་ཡང་།། བདེར་གཤེགས་སྲས་དེས་ཤེས་པར་འགྱུར།། སེམས་ཅན་ཁམས་ནི་མཁས་པ་ལ།། དེ་ནི་ཆགས་པར
16b4 འགྱུར་བ་མེད། ། གང་ཕྱིར་དེ་ཡིས་མི་རྨོངས་པས།། ཚངས་དབྱངས་ཏིང་འཛིན་ཤེས་པར་འགྱུར།། རྡོ་རྗེའི་སྙིང་པོའི་ཏིང་ངེ་འཛིན།། སྲ་བ་དེས་ནི་ཤེས་གྱུར་ནས།། ཏིང་ངེ་འཛིན་ལ་མཉམ
16b5 བཞག་སྟེ། ། ལག་ན་འདུག་བཞིན་མཐོང་བར་འགྱུར།། ཆོས་རྣམས་ཀུན་གྱིས་ལམ་གྱུར་པ།། ཐམས་ཅད་དུ་ནི་གང་འགྲོ་བའི།། དམ་པའི་ཐུབ་པས་བཤད་པ་སྟེ།། དེ་དག་འདིས་ནི་རྟོགས།
16b6 བཔར་འགྱུར།། དེ་ནས་དེ་ཡི་སྔོན་གྱི་གནས།། ཤེས་པ་ལ་ནི་འཇུག་པར་འགྱུར།། ལྷ་མིག་དྲི་མ་མེད་པ་ཡིས།། འགྲོ་བ་དག་ནི་མཐོང་བར་འགྱུར།། ཟག་པ་དག་ནི་ཟད་བྱས
16b7 ནས། ། མཁས་ཏེ་མྱ་ངན་འདའ་མི་བྱེད།། གཟུགས་ཡོད་པ་དང་གཟུགས་མེད་པའི།། མཚན་ཉིད་གཅིག་པ་མཉམ་པ་ཤེས།། ཇི་ལྟར་སྒྱུ་མའི་མཁན་པོ་དག། སྣ་ཚོགས་རྣམ་པར་རྩེ་བ
iiif viewer powered by OpenSeadragon
