| e-texts navigator |
| Wylie |
16a1 ཕེག་རྡོབ་པ་དང་། རོལ་མོའི་སྒྲ་དབྱངས་འབྱིན་པ་དང་། དེ་བཞིན་གཤེགས་པ་ཐམས་ཅད་ལ་བལྟ་བ་དང་། བསྙེན་བཀུར་བྱ་བ་དང་། མཆོད་པར་བྱ་བ་རྒྱུན་མི་གཅོད།
16a2 པ་དང་། ཐོས་པ་དང་། མཐོང་བ་དང་། ཕྱག་བྱ་བ་དང་། འདོད་པ་དང་། འགྲོ་བ་དང་། བསྟན་པ་དང་། རྗེས་སུ་དྲན་པར་བྱས་ཏེ། སེམས་ཅན་མཐའ་ཡས་པ་ཚད་མེད་པ་ཡོངས་སུ
16a3 སྨིན་པར་བྱེད་པ་དང་། སེམས་ཀྱི་སྐད་ཅིག་སེམས་ཀྱི་སྐད་ཅིག་ལ། གདུལ་བའི་སེམས་ཅན་ཇི་ལྟར་ཡོངས་སུ་སྨིན་པ་ལ་མངོན་པར་རྫོགས་པར་བྱང་ཆུབ་པ་དང་། རྣམ་པར་གྲོལ་བ་སྟོན་པ
16a4 དང་། བྱང་ཆུབ་སེམས་དཔའ་དག་མངལ་དུ་འཇུག་པ་དང་། བཙས་པ་དང་། མངོན་པར་འབྱུང་བ་དང་། དཀའ་བ་སྤྱོད་པ་དང་། བྱང་ཆུབ་ཀྱི་སྙིང་པོར་འགྲོ་བ་དང་། བདུད་འདུལ་བ་དང་།།
16a5 བྱང་ཆུབ་མངོན་པར་རྫོགས་པར་འཚང་རྒྱ་བ་དང་། ཆོས་ཀྱི་འཁོར་ལོ་བསྐོར་བ་དང་། མྱ་ངན་ལས་འདའ་བ་ཆེན་པོ་དང་། ལུས་འཇིག་པ་ཡང་སྟོན་ལ། བྱང་ཆུབ་སེམས་དཔའི་ཆོས་ཉིད
16a6 དེ་ཡང་མི་གཏོང་ཞིང་ཤིན་ཏུ་ཕུང་པོ་མེད་པར་ཡང་མྱ་ངན་ལས་མི་འདའ་བ་འདི་ནི། བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་ཅེས་བྱ་སྟེ། འདི་ནི་དཔའ་བར་འགྲོ་བའི་ཏིང་ངེ་འཛིན
16a7 འདིའི་ཡུལ་ལོ། ། གཞན་ཡང་དཔག་ཏུ་མེད་པ་དག་ཡོད་དོ།། དེ་ལ་འདི་སྐད་ཅེས་བྱ་སྟེ། ཇི་ལྟར་ནམ་མཁའ་དག་གྱུར་ཅིང་།། རྡུལ་གྱིས་གོས་པར་མི་འགྱུར་བཞིན།། དཔའ་འགྲོ་ཏིང་ངེ
iiif viewer powered by OpenSeadragon
