| e-texts navigator |
| Wylie |
14a1 གནས་ཐམས་ཅད་དུ་ཅི་རིགས་པ་བྱེད་པར་སྟོན་པ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་ཤེས་པ་ལ་མཁས་པ་དང་། ཉན་ཐོས་དང་། རང་སངས་རྒྱས
14a2 ཐམས་ཅད་ཀྱི་ཡེ་ཤེས་ཀྱིས་གཏིང་དཔག་དཀའ་བ་དང་། དབྱངས་ཀྱི་ཡན་ལག་ཐམས་ཅད་མངོན་པར་བསྒྲུབ་པ་བསྟན་པ་ཤེས་པ་དང་། ཆོས་ཐམས་ཅད་ལས་མངོན་པར་འཕགས་པའི་གནས
14a3 ཤེས་པ་དང་། བསྐལ་པ་གཅིག་ཏུ་བསྐལ་པ་གྲངས་མེད་པ་འཇུག་པ་དང་། བསྐལ་པ་གྲངས་མེད་པ་ལ་བསྐལ་པ་གཅིག་འཇུག་པ་དང་། ཞིང་ཐམས་ཅད་དུ་ཞིང་གཅིག་ཡང་དག་པར་འདུ
14a4 ཞིང་འཇུག་པ་དང་། ཞིང་གཅིག་ལ་ཞིང་ཐམས་ཅད་སྟོན་པ་ཤེས་པ་དང་། སྐྲའི་ཁྱོན་གཅིག་ལ་སངས་རྒྱས་ཀྱི་ཞིང་བསམ་གྱིས་མི་ཁྱབ་པའི་འདུ་ཤེས་སུ་གྱུར་པ་འཇུག་པ་ཤེས་པ་དང་།
14a5 སེམས་ཅན་གཅིག་གི་ལུས་ལ་སེམས་ཅན་ཐམས་ཅད་ཀྱི་ལུས་ཡང་དག་པར་འདུ་ཞིང་འཇུག་པ་ཤེས་པ་དང་། སངས་རྒྱས་ཀྱི་ཞིང་ཐམས་ཅད་ནམ་མཁའ་དང་མཉམ་པ་ཉིད་དུ་རྟོགས་པ་དང་།
14a6 རང་གི་ལུས་ལ་སངས་རྒྱས་ཀྱི་ཞིང་མ་ལུས་པ་ཐམས་ཅད་རྒྱས་པར་འགེངས་པ་དང་། རང་གི་ལུས་ལུས་ཐམས་ཅད་ཀྱི་རྗེས་སུ་འཇུག་པ་དང་། ཆོས་ཐམས་ཅད་མཚན་ཉིད་མེད་པར་རྟོགས
14a7 བ་ལ་མཁས་པ་དང་། ཐབས་ཐམས་ཅད་ལ་མཁས་པ་དང་། ཐབས་ཐམས་ཅད་ལ་མཁས་པའི་བྱ་བ་ཤེས་པ་དང་། སྒྲ་སྐད་གཅིག་ཕྱུང་བས་ཆོས་ཀྱི་དབྱིངས་ཐམས་ཅད་དུ་གྲགས་པ་དང་།
iiif viewer powered by OpenSeadragon
