| e-texts navigator |
| Wylie |
13a1 བརྟན་པ་དཔའ་བར་འགྲོ་བའི་ཏིང་ངེ་འཛིན་ནི། བྱང་ཆུབ་སེམས་དཔའ་ས་བཅུ་པ་ལ་གནས་པས་འཐོབ་བོ།། བློ་གྲོས་བརྟན་པ་དེ་ལ་དཔའ་བར་འགྲོ་བའི་ཏིང་ངེ་འཛིན
13a2 དེ་གང་ཞེ་ན། འདི་ལྟ་སྟེ། ནམ་མཁའི་ཁམས་བཞིན་དུ་སེམས་བསྐྱེད་པ་ཤིན་ཏུ་ཡོངས་སུ་སྦྱང་བ་བྱས་པ་དང་སེམས་ཅན་ཐམས་ཅད་ཀྱི་སེམས་ལ་རྟོག་པ་མངོན་སུམ་དུ་གྱུར་པ་དང་། སེམས
13a3 ཅན་ཐམས་ཅད་ཀྱི་དབང་པོ་མཆོག་དང་། མཆོག་མ་ཡིན་པ་ཤེས་པ་དང་། གནས་དང་གནས་མ་ཡིན་པ་ལ་རྣམ་པར་ལྟ་བ་མངོན་སུམ་དུ་གྱུར་པ་དང་། ལས་རྣམ་པར་འབྱེད་པ་ཐམས
13a4 ཅད་ལ་ལས་ཀྱི་རྣམ་པར་སྨིན་པ་ལ་འཇུག་པ་ཤེས་པ་དང་། མོས་པ་སྣ་ཚོགས་ལ་འཇུག་པ་མི་མཇེད་པ་དང་། ཁམས་སྣ་ཚོགས་དང་། ཁམས་དུ་མ་དག་མངོན་སུམ་དུ་གྱུར་པ་དང་། ཚངས
13a5 པའི་དབྱངས་དང་། ཏིང་ངེ་འཛིན་གྱིས་རྣམ་པར་རྩེ་བ་དང་། རྡོ་རྗེ་ལྟ་བུའི་ཏིང་ངེ་འཛིན་མཐོང་ཞིང་ཤེས་པ་དང་ཏིང་ངེ་འཛིན་དང་སྙོམས་པར་འཇུག་པ་ཐམས་ཅད་གཅིག་ཏུ་གྱུར་པ་དང་། ཐམས
13a6 ཅད་དུ་འགྲོ་བའི་ལམ་ཤེས་པས་རྣམ་པར་ལྟ་བ་དང་། སྔོན་གྱི་གནས་རྗེས་སུ་དྲན་པའི་ཤེས་པ་ལ་སྒྲིབ་པ་མེད་པ་དང་། ལྷའི་མིག་ཐོགས་པ་མེད་པས་མཐོང་བ་དང་། ཟག་པ་ཟད་པར་བྱ
13a7 བ་དང་། སྤང་བར་བྱ་བའི་ཕྱིར་དུས་གཅིག་ཏུ་འཐོབ་པ་ཤེས་པ་དང་། གཟུགས་དང་གཟུགས་མེད་པའི་མཉམ་པ་ཉིད་ལ་འཇུག་པ་ཤེས་པ་དང་། གཟུགས་ཐམས་ཅད་སྟོན་ཅིང་རྣམ་པར
iiif viewer powered by OpenSeadragon
