| e-texts navigator |
| Wylie |
12b1 བཅོམ་ལྡན་འདས་ཀྱིས་བཀའ་སྩལ་པ། ཚངས་པ་དེ་ནི་སྔོན་དཔའ་བར་འགྲོ་བའི་ཏིང་ངེ་འཛིན་སྦྱངས་པའི་ཁྱད་པར་ཡིན་ཏེ། དེའི་ཕྱིར་དེ་བཞིན་གཤེགས་པ་དེ་ལྟར་ཆོས་ཐམས་ཅད་ཀྱིམ1།
12b2 པ་མངོན་པར་རྫོགས་པར་སངས་རྒྱས་ནས། གཟུགས་ཀྱི་སྐུ་ཡོངས་སུ་གྲུབ་པ་ཡང་སེམས་ཅན་རྣམས་ལ་སྟོན་ཏོ།། དེ་བཞིན་གཤེགས་པ་ལ་བལྟ་བ་བསྟན་པ་འདི་བཤད་པ་ན། ཚངས་པ
12b3 མཉམ་པ་ཉིད་ལ་གནས་པས་ཆོས་ལ་རྗེས་སུ་མཐུན་པའི་བཟོད་པ་ཐོབ་བོ། ། ལྷའི་བུ་ཁྲིས་ཀྱང་ཆོས་ལ་རྗེས་སུ་མཐུན་པའི་བཟོད་པ་ཐོབ་པར་གྱུར་ཏོ།། དེ་ནས་བཅོམ་ལྡན་འདས
12b4 ཀྱིས་དེ་འདྲ་བའི་རྫུ་འཕྲུལ་བསྡུས་ནས། དེ་བཞིན་གཤེགས་པའི་སྐུ་དེ་དག་ཐམས་ཅད་མི་སྣང་བར་བྱས་པ་དང་། འཁོར་དེ་དག་ཐམས་ཅད་ཀྱིས་དེ་བཞིན་གཤེགས་པ་གཅིག་པུ་མཐོང་ངོ་།།
12b5 དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་བརྟན་པ་ལ་བཀའ་སྩལ་པ། བློ་གྲོས་བརྟན་པ་དཔའ་བར་འགྲོ་བའི་ཏིང་ངེ་འཛིན་ནི། བྱང་ཆུབ་སེམས་དཔའ
12b6 ས་དང་པོ་ལ་གནས་པས་མི་འཐོབ། ས་གཉིས་པ་ལ་གནས་པས་མ་ཡིན། ས་གསུམ་པ་ལ་གནས་པས་མ་ཡིན། ས་བཞི་པ་གནས་པས་མ་ཡིན། ས་ལྔ་པ་ལ་གནས་པས་མ་ཡིན།།
12b7 ས་དྲུག་པ་ལ་གནས་པས་མ་ཡིན། ས་བདུན་པ་ལ་གནས་པས་མ་ཡིན། ས་བརྒྱད་པ་ལ་གནས་པས་མ་ཡིན། བྱང་ཆུབ་སེམས་དཔའ་ས་དགུ་པ་ལ་གནས་པས་མི་འཐོབ་ཀྱི། བློ་གྲོས
iiif viewer powered by OpenSeadragon
