| e-texts navigator |
| Wylie |
271a1 བསྐལ་པ་སྟོང་ཕྲག་སུམ་ཅུ་རྩ་ལྔར་འཁོར་བ་ལས་ཕྱིར་ཕྱོགས་པར་འགྱུར་རོ།། དེ་དག་གིས་བསོད་ནམས་ཀྱི་ཕུང་པོ་དཔག་ཏུ་མེད་པ་ཡོངས་སུ་བཟུང་བར་འགྱུར་རོ།།
271a2 འོད་སྲུངས་ཆེན་པོ་ལྷོ་ཕྱོགས་ན་སངས་རྒྱས་ཀྱི་ཞིང་འདི་ནས་སངས་རྒྱས་ཀྱི་ཞིང་སྟོང་ཕྲག་སུམ་ཅུ་ལྔ་འདས་པ་ན། འཇིག་རྟེན་གྱི་ཁམས་སྤོས་མཆོག་དྲི་ཞིམ་ཞེས་བྱ་བ་ཡོད་དེ། དེ་ན་དེ་བཞིན་གཤེས
271a3 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོས་མཆོག་མཐའ་ཡས་རྒྱལ་པོ་པ་ཞེས་བྱ་བ་ད་ལྟར་བཞུགས་ཤིང་འཚོ་ལ་གཞེས་སོ། ། འོད་སྲུངས་ཆེན་པོ་དེ་བཞིན་གཤེགས་པ་སྤོས་མཆོག
271a4 མཐའ་ཡས་རྒྱལ་པོས་སྔོན་གྱི་སྨོན་ལམ་འདི་སྐད་ཅེས་བཏབ་པོ། ། སྔོན་སྨོན་ལམ་བཏབ་པ་དེ་གང་ཞེས་ན། འདི་ལྟ་སྟེ། རིགས་ཀྱི་བུ་འམ། རིགས་ཀྱི་བུ་མོ་བྱང་ཆུབ་སེམས་དཔའི་ཐེག
271a5 པ་ཆེན་པོ་ལ་ཡང་དག་པར་ཞུགས་པ་གང་སུ་དག་བདག་གི་མིང་འཛིན་པར་བྱེད་པ་དེ་ཡོན་ཏན་འདི་ལྟ་སྟེ། སྐྱེས་ཤིང་སྐྱེས་པ་ཐམས་ཅད་དུ་ཚེ་རབས་དྲན་ཞིང་ཚངས་པར་སྤྱོད་པར་འགྱུར་བ་དང་།
271a6 སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལུས་ལེགས་པར་རྒྱན་པར་འགྱུར་བ་ས། སངས་རྒྱས་ཀྱིས་ཞིང་གཞན་དག་ཏུ་སྣང་བར་བྱེད་ཅིང་། ཡང་དག་པར་འགྲོ་བར་བྱེད་ལ་བདག་གིས་ཀྱང་དེ་དག་གི་སངས་རྒྱས་ཀྱི
271a7 བྱང་ཆུབ་རྫོགས་པར་བྱ་ཞིང་གལ་ཏེ་ས་ཆེན་པོ་འདི་མེས་གང་བར་གྱུར་ན། མེ་དེ་ཡང་བསད་ལ། དེ་དག་ལ་རིན་པོ་ཆེ་དག་འབྱུང་བར་བྱ་བ་དང་། སློང་བར་བྱེད་པ་རྣམས་ལ་ཅི་ནས་ཀྱང་སེམས་ཅན
iiif viewer powered by OpenSeadragon
