| e-texts navigator |
| Wylie |
268a1 བྱང་ཆུབ་དང་ཉེ་བར་ཐོབ་པར་འགྱུར་རོ། ། བསྐལ་པ་སྟོང་དུ་འཁོར་བ་ལས་ཕྱིར་ཕྱོགས་པར་ཡང་འགྱུར་རོ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར
268a2 མི་ལྡོག་པར་ཡང་འགྱུར་རོ། ། འོད་སྲུངས་ཆེན་པོ་ཤར་ཕྱོགས་ན་སངས་རྒྱས་ཀྱི་ཞིང་འདི་ནས་འཇིག་རྟེན་གྱི་ཁམས་ཆུ་བོ་གངྒཱ་བཞིའི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་དབང་དུ་གྱུར་པ་ཞེས་བྱ
268a3 བ་ཞིག་ཡོད་དེ། ། དེ་ན་དེ་བཞིན་གཤེགས་པ་དམ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་གདུགས་གཅིག་པ་དམ་པ་ཞེས་བྱ་བ་ད་ལྟར་བཞུགས་ཤིང་འཆོལ་གཞེས་སོ།། འོད
268a4 སྲུངས་ཆེན་པོ་རིགས་ཀྱི་བུ་འམ། རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར་བཞུགས་པ་གང་སུ་དག། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
268a5 སངས་རྒྱས་རིན་པོ་ཆེའི་གདུགས་གཅིག་པ་དམ་པ་དེའི་མཚན་འཛིན་པར་བྱེད་པ་དེ་དག་ནི་སྲིད་པར་སྐྱེས་པ་ན། ཚེ་རབས་དྲན་པར་འགྱུར་རོ།། རིགས་ངན་རྣམས་སུ་ཡང་མི་སྐྱེས་པར་འགྱུར་རོ།།
268a6 དབུལ་པོའི་རིགས་རྣམས་སུ་ཡང་མི་སྐྱེ་བར་འགྱུར་རོ།། གང་དུ་སྐྱེ་བར་འགྱུར་བ་ཐམས་ཅད་དུ་རྒྱལ་པོའི་རིགས་སུ་སྐྱེ་བར་འགྱུར་རོ།། ནམ་ཡང་ཕས་ཕོངས་པ་དང་། མས་ཕོངས་པ་དང་། ལོངས
268a7 སྤྱོད་ཀྱིས་ཕོངས་པ་འམ། ནད་ཀྱིས་ཉོན་མོངས་པར་མི་འགྱུར་རོ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བ་ཐོབ་པར་ཡང་འགྱུར་རོ།། བསྐལ་པ་སྟོང་ཕྲག་སུམ་ཅུར་འཁོར་བ
iiif viewer powered by OpenSeadragon
