| e-texts navigator |
| Wylie |
192b1 སེམས་ཅན་གང་དག་སྣོད་དུ་གྱུར་པ་དེ་དག་གིས་ནི་ཆོས་ཀྱི་རྣམ་གྲངས་འདི་ཐོས་སོ། ། གང་སྣོད་དུ་མ་གྱུར་པ་དེ་དག་གིས་ནི་རྣ་ལམ་དུ་ཡང་མི་གྲགས་སོ།། ཆོས་ཀྱི་རྣམ་གྲངས་འདི་བཤད
192b2 བའི་ཚེ། སྲོག་ཆགས་བདུན་ཁྲི་ཉིས་སྦྱོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། ཚེ་དང་ལྡན་པ་དགའ་བོས་འདི་སྐད་ཅེས་གསོལ་ཏོ།། བཅོམ་ལྡན
192b3 འདས་ཆོས་ཀྱི་རྣམ་གྲངས་འདིའི་མིང་ཅི་ལགས་འདི་ཇི་ལྟར་བཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། དགའ་བོ་ཆོས་ཀྱི་རྣམ་གྲངས་འདི་ནི། ཐབས་མཁས་པའི་ཕ
192b4 རོལ་ཏུ་ཕྱིན་པར་བསྟན་པར་ཟུང་ཤིག། སངས་རྒྱས་ཐམས་ཅད་ཀྱི་ཐབས་མཁས་པར་གསུངས་པའི་ལེའུར་ཟུང་ཤིག། བཅོམ་ལྡན་འདས་དགྱེས་ཤིང་། དེ་སྐད་ཅེས་བཀའ་སྩལ་པ
192b5 དང་དགའ་བོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་བླ་མ་དང་། ལྷ་དང་མི་དང་ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རང་ཏེ། བཅོམ་ལྡན་འདས
192b6 ཀྱིས་གསུངས་པ་ལ་མངོན་པར་དཀའ་བོ། ། ཐབས་མཁས་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། @#རྒྱ་གར་སྐད་དུ། ཨཱརྱ་ཏྲི་སྐན
192b7 དྷཱ་ཀ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་ཕུང་པོ་གསུམ་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ
iiif viewer powered by OpenSeadragon
