| e-texts navigator |
| Wylie |
190b1 ། ཕྱིར་གནས་བརྟན་དགའ་བོ་ལ། ང་ནི་ཀླད་པ་ན་སྟེ། མེ་བཟོད་དོ་ཞེས་དེ་སྐད་ཀྱི་ཚིག་གསུང་སྟེ། རིགས་ཀྱི་བུ་གང་གི་ཚེ་ན་དེ་བཞིན་གཤེགས་པ་གནས་བརྟན་དགའ་བོ་ང་ནི་ཀླད་པ་ན་སྟེ
190b2 མི་བཟོད་དོ་ཞེས་དེ་སྐད་ཀྱི་ཚིག་གསུངས་པ་དེའི་ཚེ། ལྷའི་བུ་ཆད་པར་སྨྲ་བ་སུམ་སྟོང་དང་། སེམས་ཅན་སྲོག་གཅོད་པར་བྱེད་མང་པོ་ལྷགས་ནས་ལྷའི་བུ་དེ་དག་དང་སེམས་ཅན་དེ་དག་ལས་ཀྱི
190b3 བྱ་བ་ལ་གཞུག་པའི་ཕྱིར། དེ་བཞིན་གཤེགས་པའི་སྲོག་གཅོད་པའི་ལྷག་མ་ལུས་པར་དེ་བཞིན་གཤེགས་པའི་དབུ་སྦྱང་བར་གྱུར་ཏོ་ཞེས་ལས་ཀྱི་རྒྱུད་དེ་བསྟན་ཏེ། དེ་བསྟན་པའི་ཚེ་དེ་བཞིན
190b4 གཤེགས་པས་ལྷ་དང་མིའི་སྐྱེ་དགུ་སྟོང་ཕྲག་བཅུ་བཏུལ་ཏེ། དེ་ཡང་དེ་བཞིན་གཤེགས་པའི་ཐབས་མཁས་པ་ཡིན་གྱི། ལས་ཀྱི་སྒྲིབ་པ་ནི་མ་ཡིན་ནོ།། ཅིའི་ཕྱིར་བྲམ་ཟེ་བ་ར་དཱ་ཛས
190b5 དེ་བཞིན་གཤེགས་པ་ལ་མི་སྙན་པ་ལྔ་བརྒྱ་སྨྲས་ན། དེ་བཞིན་གཤེགས་པ་ཡང་བཟོད་པར་མཛད་ཅེ་ན། དེ་བཞིན་གཤེགས་པ་ནི་བྲམ་ཟེ་བ་ར་དྭ་ཛས། མི་སྙན་པར་སྨྲ་བ། ཕྱོགས
190b6 གཞན་དུ་འཕང་བ་འམ། ངག་གི་ལས་གཅིག་མི་འབྱུང་བར་ཡང་ནུས་མོད་ཀྱི། འཁོར་དེའི་ནང་ན་ལྷ་དང་མི་མང་པོ་ཚོགས་པར་གྱུར་པས། དེ་དག་གིས་དེ་བཞིན་གཤེགས་པའི་བཟོད
190b7 པའི་སྟོབས་བསྐྱེད་པར་མཐོང་སྟེ། དེ་བཞིན་གཤེགས་པ་མ་ཁེངས་མ་དུད་ཅིང་སེམས་མཉམ་པ་བདེ་བའི་དངོས་པོ་དང་ལྡན་པ་སེམས་བརྟན་པ། སེམས་མཉེན་པ་ངེས་པར་མཐོང་ནས།
iiif viewer powered by OpenSeadragon
