| e-texts navigator |
| Wylie |
190a1 ཀྱང་ཤེས་པར་འགྱུར་བ་འམ། ཤེས་པ་འཛིན་པ་མེད་ནས། འོད་སྲུང་གིས་བྱང་ཆུབ་ཀྱི་ཡན་ལག་རབ་ཏུ་དབྱེ་བ་རྒྱས་པར་བཤད་པ་དང་། ལྷའི་བུ་བརྒྱད་སྟོང་པོ་དེ་དག་གིས་ཀྱང
190a2 ཡེ་ཤེས་རྟོགས་པར་གྱུར། སེམས་ཅན་གང་ན་སྟེ་ཆོས་ཉན་པར་མི་འགྲོ་བའི་སེམས་ཅན་དེ་དག་ཀྱང་དེ་བཞིན་གཤེགས་པ་ཆོས་ཀྱི་རྗེ་ཡང་བྱང་ཆུབ་ཀྱི་ཡན་ལག་བརྗོད་པ་གསན་ནས། ནང་ལས་ཡོངས
190a3 སུ་ཐར་ན་བདག་ཅག་གིས་ལྟ་ཅིའི་ཕྱིར་ཆོས་མཉན་པར་མི་བྱ་སྙམ་དུ་སེམས་པར་གྱུར་ཏེ། རིགས་ཀྱི་བུ་འདི་ལྟ་བས་ན་ལྷའི་བུ་དེ་དག་གདུལ་བའི་དོན་དུ་བྱ་བ་དང་། སེམས་ཅན་ནད་པ་དག་ཆོས་ཉིད
190a4 བསྟན་པའི་ཕྱིར། དེ་བཞིན་གཤེགས་པས་ང་རྒྱབ་ན་ནས། འོད་སྲུང་བྱང་ཆུབ་ཀྱི་ཡན་ལག་ཤོད་ཅིག། ཅེས་དེ་སྐད་ཀྱི་ཚིག་སྟེ། དེ་ཡང་དེ་བཞིན་གཤེགས་པའི་ཐབས་མཁས་པ་ཡིན་གྱི།།
190a5 ལས་ཀྱི་སྒྲིབས་པ་ནི་མ་ཡིན་ནོ།། ཅིའི་ཕྱིར་ན་ཤཱཀྱ་རྣམས་ཁ་བཏགས་པས་དེ་བཞིན་གཤེགས་པ་བཀླད་པ་ན་སྟེ་མི་བཟོད་དོ།། ཞེས་གསུང་ཞེ་ན། རིགས་ཀྱི་བུ་འདི་ལ་སེམས་ཅམ་ཁ་ཅིག་དེ
190a6 བཞིན་གཤེགས་པ་ནི་གཉེན་རྣམས་ཀྱི་དོན་མི་བཞེད། ཕན་པར་མི་བཞེད། བདེ་བར་མི་བཞེད། ཕན་པ་དང་བདེ་བར་མི་བཞེད་པས། དེའི་ཕྱིར་རྒྱལ་པོའི་རིགས་ཐམས་ཅད་ཁ་གདག
190a7 གོ། སྙམ་དུ་སེམས་ཀྱི། དེ་བཞིན་གཤེགས་པས་གཉེན་རྣམས་ཀྱིས་ཐོག་མ་མེད་པའི་སྡུག་བསྔལ་གྱི་ཕུང་པོ་མཐར་ཕྱུང་བར་ནི་མི་ཤེས་པའི་སེམས་ཅན་དེ་དག་གིས་སེམས་བསྲུངས་པའི
iiif viewer powered by OpenSeadragon
