| e-texts navigator |
| Wylie |
187b1 མེད་ལ་དེ་བཞིན་གཤེགས་པས་བུ་མོ་ཙན་ཙ་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དུ་འཕང་ནུས་མོད་ཀྱི། དེ་བཞིན་གཤེགས་པས་ཐབས་མཁས་པས་ལས་ཀྱི་བྱེད་པ་སྟོན་ཏོ།།
187b2 བསྟན་པ་འདི་ལ་རབ་ཏུ་བྱུང་བ་ལ་བསྐུར་བ་བཏབ་པ་དག་འབྱུང་། དེ་དག་མོ་བདེན་པར་སྐུར་བར་འགྱུར་རོ།། དེ་དག་འགྱོད་པ་ཙམ་དུ་འགྱུར་ཏེ། སྐུར་པ་བཏབ་དང་། དེ་བཞིན་གཤེགས་པ
187b3 ཆོས་དཀར་པོ་ཐམས་ཅད་དང་ལྡན་པ་དེ་ལ་ཡང་མངོན་སུམ་དུ་སྐུར་པ་འབྱུང་ན། བདག་ཅག་ལྟ་ལ་ཅིའི་ཕྱིར་མི་འབྱུང་ཞེས་སྨྲ་ཞིང་། དེ་དག་དེའི་ཚེ་སྐུར་པ་ཟིལ་གྱིས་མནན་ནས་ཡོངས་སུ་དག་པ
187b4 ཡོངས་སུ་དཀར་བའི་ཚངས་པར་སྨོད་པ་སྤྱད་པར་འགྱུར་གྱི། འབྲི་བར་ནི་མི་འགྱུར་རོ།། བུ་མོ་ཙན་ཙ་ནི་སྡིག་པའི་ལས་ཀྱིས་གཡོག་ན། རྨི་ལམ་ནའང་དེ་བཞིན་གཤེགས་པ་ལ
187b5 སྐུར་པ་འདེབས་པ་སྟེ། དེ་ཤི་འཕོས་མ་ཐག་ཏུ་ཡང་སེམས་ཅན་དམྱལ་བར་འགྲོ་བར་འགྱུར་རོ།། དེ་སྟེ་དེ་བཞིན་གཤེགས་པ་དེ་སྲུང་ནུས་པར་མཁྱེན་ན་ནི་དེ་བསྲུངས་པར་འགྱུར་རོ།།
187b6 དེ་ཅིའི་ཕྱིར་ཞེ་ན། དེ་བཞིན་གཤེགས་པས་ནི་སེམས་ཅན་གང་ཡང་ཡོངས་སུ་བཏང་བ་མེད་པའི་ཕྱིར་རོ།། ཅིའི་ཕྱིར་ན། མཛེས་མ་ཀུན་ཏུ་རྒྱུ་བ་སྲོག་དང་བྲལ་བས།། འཛེ།
187b7 ཏའི་ཚལ་ཏུ་སྦས་ལ་དེ་བཞིན་གཤེགས་པས་ཐམས་ཅད་མཁྱེན་པས་ཀྱང་གཡེལ་བར་བོར་ཞེ་ན། དེ་བཞིན་གཤེགས་པ་ནི་ཐོགས་པ་མེད་པའི་ཡེ་ཤེས་དང་ལྡན་པས་དེ་འདྲ་བར་འགྱུར
iiif viewer powered by OpenSeadragon
