| e-texts navigator |
| Wylie |
177a1 བུ་ཤིང་སྦྲུལ་ཆེན་པོ་ལྟ་བུ། བྱང་ཆུབ་སེམས་དཔའི་ཐེག་པ་ལ་གནས་པ་ལྔ་ཡོད་དེ། དེ་དག་སྡིག་པའི་གྲོགས་པོའི་དབང་གིས་བྱང་ཆུབ་ཀྱི་སེམས་བརྗེད་པར་གྱུར
177a2 ནས་རིགས་ཀྱི་བུ་ལྔ་པོ་དེ་དག་སངས་རྒྱས་ཀྱི་བརྟུལ་ཞུགས་ཅན་མ་ཡིན་གྱི། མུ་སྟེགས་ཀྱི་བརྟུལ་ཞུགས་ལྡན་པ། མུ་སྟེགས་ཀྱི་གསང་སྔགས་ལ་བརྩོན་པར་བྱས
177a3 བདག་ཅག་གི་ཡང་བྱང་ཆུབ་ཡོད་དོ། ། བདག་ཅག་ཀྱང་སངས་རྒྱས་སོ་ཞེས་བདག་ཉིད་སྟོན་པར་འཛིན་ཏོ།། དེ་ནས་ཁྱེའུ་སྐར་མ་སྐྱོང་གིས། རིགས་ཀྱི་བུ་ལྔ་པོ་དེ་དག་སྣོང་དུ
177a4 གྱུར་པར་རྟོགས་ནས། མགོ་རེག་ལ་བྱང་ཆུབ་ག་ལ་ཡོད། བྱང་ཆུབ་ནི་ཤིན་ཏུ་དཀོན་ན། དེ་མཐོང་སྟེ་ཅི་རུང་ཞེས་མུ་སྟེགས་ཅན་དེ་དག་གི་དྲུང་དུ་ཚིག་དེ་སྐད་སྨྲས་སོ།། ཁྱེའུ
177a5 སྐར་མ་སྐྱོང་གིས་མུ་སྟེགས་ཅན་དེ་དག་གི་དྲུང་དུ་མགོ་རེག་ལ་བྱང་ཆུབ་ག་ལ་ཡོད། བྱང་ཆུབ་ནི་ཤིན་ཏུ་དཀོན་པའོ་ཞེས་ཚིག་དེ་སྐད་སྨྲས་པས་རིགས་ཀྱི་བུ་ལྔ་པོ་དེ་དག་རིམས་ཀྱིས་ཡོངས་སུ་སྨིན
177a6 པར་བྱས་པར་གྱུར་ཏོ། ། འདི་ལྟ་སྟེ། རིགས་ཀྱི་བུ་ཁྱེའུ་སྐར་མ་སྐྱོང་ནེའུ་ལྡིང་ལྔ་པོ་དེ་དག་དང་། སའི་ཕྱོགས་གཞན་ཞིག་ན་འདུག་པར་གྱུར་པའི་དུས་ཀྱི་ཚེ་ཡོད་དེ།
177a7 དེ་ནས་རྫ་མཁན་རྫེའུ་བྱེད་པ་ཞིག་སའི་ཕྱོགས་དེ་གལ་བ་དེར་སོང་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གི་བསྔགས་པ་བརྗོད་ཅིང
iiif viewer powered by OpenSeadragon
