| e-texts navigator |
| Wylie |
176a1 ཆོས་དཀར་པོ་འདོད་པས་ནམ་ཕྱེད་ནམ་དྲིས་པར་དེ་ནས་འགྲོ་བར་བྱ་བ་དང་། བདེ་བའི་ཡོ་བྱད་ཀྱང་སྤང་བར་བྱའི། ཆོས་དཀར་པོའི་ཕྱོགས་ནི་ཡོངས་སུ་གཏོང་བར
176a2 མི་བྱའོ་ཞེས་སེམས་ཅན་རྣམས་ལ་བསྟན་པའི་ཕྱིར་རོ། ། ཅིའི་ཕྱིར་ན། སྐྱེ་བོ་དག་གཉིད་ཀྱིས་ལོག་པར་བྱས་ཤེ་ན། ལྷ་རྣམས་ཀྱིས་ཉེས་པར་བསྟན་པའི་ཕྱིར་ཏེ། སྐྱེ་བོ་དག
176a3 བྱང་ཆུབ་སེམས་དཔའ་ལ་ཞེ་སྡང་གི་ཐ་བ་སྐྱེ་བར་མི་འགྱུར་བ་དང་། དེ་དག་ཡུན་རིང་པོར་གནོད་པ་དང་མི་ཕན་པ་དང་། ལྟུང་བར་མི་འགྱུར་བར་བྱ་བའི་ཕྱིར། ལྷ་རྣམས་ཀྱིས་གཉིད་ལོག་པར
176a4 བྱས་ཏེ། ལྷ་རྣམས་ཀྱིས་སྒོ་ཕྱེ་ནས། ལྷ་རྣམས་ཀྱིས་བར་སྣང་ལས་ཁྲིད་པས་ལྷ་རྣམས་ཀྱིས་ཉེས་ཀྱིས། བྱང་ཆུབ་སེམས་དཔའི་ཉེས་པ་མ་ཡིན་ཏེ། བྱང་ཆུབ་སེམས་དཔའ་སེམས
176a5 དཔའ་ཆེན་པོས་མཉེས་སོ་ཞེས་དད་པ་མ་རྙེད་པར་མཐོང་ནས། གཉིད་ལོག་པར་བྱས་སོ།། ཅིའི་ཕྱིར་ན། བྱང་ཆུབ་སེམས་དཔའ་རང་གིས་རལ་གྲིས་སྒྲ་བཅད་ཅེ་ན། དེ་ལྟར་སྟོང
176a6 གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ལྷ་འམ་ཀླུ་འམ། གནོད་སྦྱིན་ནམ། མི་འམ་ཅི་གང་ཡང་བྱང་ཆུབ་སེམས་དཔས་དཔལ་དང་གཟི་བརྗིད་ཟིལ་གྱིས་མནན་ཏེ། སྒྲ་གཅོད་ནུས་པ་སུ
176a7 ཡང་མེད་ཅེས་རྒྱལ་པོ་ཟས་གཙང་མ་དེས་ཐོས་ན་ཡང་། ཇི་ལྟར་བྱང་ཆུབ་སེམས་དཔའ་ཉིད་ཀྱིས་སྒྲ་གཅད་པར་མཐོང་ནས། ཁྲོ་བར་མི་འགྱུར་ཞིང་སུས་ངའི་བུའི་སྒྲ་གཅད་ཅེས་དེ་ལ་བསད
iiif viewer powered by OpenSeadragon
