| e-texts navigator |
| Wylie |
175b1 སྤྲུལ་པ་དེ་རྣམས་དང་རྩེ་དགའ་ཡོངས་སུ་སྤྱོད་ཅིང་། བདག་ཅག་ནི་བྱང་ཆུབ་སེམས་དཔའ་དང་ལྷན་ཅིག་ཏུ་རྩེ་དགའ་ཞིང་ཡོངས་སུ་སྤྱོད་དོ་སྙམ་དུ་སེམས་མོད་ཀྱི། བྱང་ཆུབ་སེམས་དཔའ
175b2 སེམས་དཔའ་ཆེན་པོ་བསམ་གཏན་དང་ཏིང་ངེ་འཛིན་གྱི་དགའ་བ་དང་བདེ་བ་ལ་གནས་སོ། ། འདི་ལ་སྤྲུལ་པ་རྣམས་ཀྱང་འདོད་པ་ལ་དགའ་བ་དང་ཡོངས་སུ་སྤྱོད་པ་ཇི་ལྟ་བ། མར་མེ
175b3 མཛད་ཚུན་ཆད་ཀྱི་བྱང་ཆུབ་སེམས་དཔའ་འདོད་པ་ལ་ཡོངས་སུ་སྤྱོད་པ་ཐམས་ཅད་ཀྱང་དེ་བཞིན་བལྟའོ། ། བྲན་ཙྪན་ད་ཀ་དང་རྟ་ཀན་ཐ་ཀ་ཡང་སྔོན་གྱི་སྨོན་ལོམ་ལས་གྱུར་པར་བལྟའོ།།
175b4 ཅིའི་ཕྱིར་ན། བྱང་ཆུབ་སེམས་དཔའ་ཤིང་འཛམ་བུའི་གྲིབ་མ་ནི་བསམ་གཏན་བྱེད་ཅེ་ན། བྱང་ཆུབ་སེམས་དཔའ་དེ་ན་གནས་པས་ལྷ་བྱེ་བ་ཕྲག་བདུན་ཅུ་བརྟུལ་ཞིང་དེ་ངེས་པར་མངོན་པར
175b5 ཁྱིམ་ནས་འབྱུང་བར་ཕ་མ་ལ་བསྟན་པའི་ཕྱིར་རོ། ། ཅིའི་ཕྱིར་ན། བསྐྱེད་མོས་ཚལ་དུ་སོང་ཞེ་ན། རྒས་པ་དང་ནད་ཀྱིས་བཏབ་པ་དང་འཆི་བ་བསྟན་པའི་ཕྱིར་ཏེ། གཉེན་དག
175b6 ནི་བྱང་ཆུབ་སེམས་དཔའ་རྒ་བ་དང་ན་བ་དང་འཆི་བས་འཇིགས་སྐྲག་ནས་ཁྱིམ་ནས་མངོན་པར་འབྱུང་གི། གཉེན་ལ་གནོད་པར་འདོད་པ་ནི་མ་ཡིན་ནོ་ཞེས་དེ་ལྟར་ཤེས་པར་འགྱུར་རོ།།
175b7 ཅིའི་ཕྱིར་ན། བྱང་ཆུབ་སེམས་དཔའ་མཚན་མོ་ནམ་ཕྱེད་ཀྱི་དུས་ཀྱི་ཚེ། ཁྱིམ་ནས་མངོན་པར་འབྱུང་གི་ཉིན་མོ་ནི་མི་འབྱུང་ཞེ་ན། དེ་ན་འདུག་ན་དགེ་བའི་རྩ་བ་མི་འཕེལ་ནས
iiif viewer powered by OpenSeadragon
