| e-texts navigator |
| Wylie |
175a1 སོ། ཡང་སེམས་ཅན་འདི་དག་ནི་འདོད་པའི་ཉེས་པ་ཅན་ཁྱིམ་གྱིས་བྱ་བ་ལ་ཞེན་པ་ཡིན་པས་དེ་དག་སྤངས་ཏེ། རབ་ཏུ་འབྱུང་བར་མི་ནུས་ནས། དེ་དག་གི་ཕྱིར་ཡང
175a2 བྱང་ཆུབ་སེམས་དཔའ་སེམས་དཔའ་ཆེན་པོ་གཡོག་ལེན་ཏོ། ། ཡང་འདི་ནི་ཆུང་མ་བཟང་མོའི་གཡོག་འདི་ལྟ་བུ་སྤངས་ཏེ། རབ་ཏུ་འབྱུང་ནས་བདག་ལྟ་ཅིའི་ཕྱིར་རབ་ཏུ་མི་འབྱུང་ཞེས་དེ་སྙམ་དུ
175a3 སེམས་པར་འགྱུར་ཞིང་། ཡང་བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པའི་ནང་ན་གང་བུད་མེད་གཞོན་ནུ་དག་ཡོངས་སུ་སྨིན་པར་བྱས་ནས་དེ་དག་ཀྱང་མཛབ་འདི་གཅུགས་པས
175a4 སྲིད་པ་ཐ་མའི་བར་དུ་བདག་ཅག་ཁྱོད་ཀྱིས་ཆུང་མར་གྱུར་ཅིག་ཅེས་སྨོན་ལམ་བཏབ་ལ། དེ་དག་གི་ཆོས་དཀར་པོ་དེ་རྣམས་ཀྱང་ཤིན་ཏུ་ཡོངས་སུ་སྨིན་པར་བྱ་བའི་ཕྱིར། བྱང་ཆུབ་སེམས་དཔའ
175a5 གཡོག་ལེན་ཏེ། དེ་ལ་བྱང་ཆུབ་སེམས་དཔའ་སླས་ཀྱི་ནང་ན་གནས་ནས་བུད་མེད་བཞི་ཁྲི་ཉིས་སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ།། ལྷག་མ་དག་ཀྱང
175a6 མི་ལྟུང་བའི་ཆོས་དང་ལྡན་པར་བྱས་སོ། ། རྣམ་གྲངས་དེའི་ཕྱིར་ཡང་བྱང་ཆུབ་སེམས་དཔའ་གཡོག་ལེན་གྱི། གང་བུད་མེད་ཀྱི་འདོད་ཆགས་ཡོངས་སུ་གདུང་བས་ཡོངས་སུ་གདུངས་པ་དེ་ཡང་བྱང
175a7 ཆུབ་སེམས་དཔའ་མཐོང་མ་ཐག་ཏུ་བདག་འདོད་ཆགས་དང་བྲལ་བར་ཤེས་སོ། ། ཡང་བྱང་ཆུབ་སེམས་དཔའ་ནི་བདག་གི་ཆུ་ཞེང་དང་འདྲ་བར་སྤྲུལ་པ་དག་སྤྲུལ་ནས། བུད་མེད་དེ་དག
iiif viewer powered by OpenSeadragon
