| e-texts navigator |
| Wylie |
174a1 ཅིའི་ཕྱིར་ན། བྱང་ཆུབ་སེམས་དཔའ་དགོན་པར་སྐྱེས་མ་ཐག་ཏུ། བྱང་ཆུབ་ཀྱི་སྙིང་པོར་མི་འགྲོ་བར་དེ་ནས་སླར་ཁྱིམ་དུ་འཇུག་ཅེ་ན། དབང་པོ་ཡོངས་སུ་རྫོགས་པར
174a2 བྱ་བ་དང་། སྦས་པའི་ཕྱི་བསྟན་པའི་ཕྱིར། དགའ་བ་དང་རྩེ་བ་ཆེན་པོ་དེ་དག་བསྟན་ནས་ཁྱིམ་ནས་མངོན་པར་འབྱུང་བར་བྱེད་དོ།། གླིང་ཆེན་པོ་བཞི་སྤང་བར་བསྟན་པས་ན། ངའི་རྗེས་སུ་སློབ
174a3 པ་གཞན་དག་ཀྱང་དགའ་བ་དང་། རྩེ་བ་ཆེན་པོ་སྤངས་ནས་རབ་ཏུ་འབྱུང་བའི་ཕྱིར་ཁྱིམ་ནས་མངོན་པར་འབྱུང་སྟེ། རྒྱུ་དེ་དང་རྐྱེན་དེའི་ཕྱིར་བྱང་ཆུབ་སེམས་དཔའ་སླར་ཁྱིམ་དུ་ཞུགས་སོ།། ཅིའི་ཕྱིར་ན།།
174a4 བྱང་ཆུབ་སེམས་དཔའི་མ་ཉི་མ་བདུན་ལོན་པ་དང་། འཆི་བའི་དུས་བྱེད་ཅེ་ན། ལྷ་མོ་སྒྱུ་མ་ཚེ་ཟད་ནས་འཆི་བའི་དུས་བྱས་ཀྱི་བྱང་ཆུབ་སེམས་དཔའི་ཉེས་པ་ནི་མ་ཡིན་ནོ།། འདི་ལ་བྱང་ཆུབ་སེམས
174a5 དཔའ་དགའ་ལྡན་གྱི་གནས་ཉིད་ན་གནས་ཤིང་། ལྷའི་མིག་གིས་ལྷ་མོ་སྒྱུ་མའི་ཚེ་ལ་བརྟོགས་ནས། ནམ་ལྷ་མོ་སྒྱུ་མའི་ཚེ་ཟླ་བ་བཅུ་དང་། ཉི་མ་བདུན་ལུས་པར་ཤེས་པ་དང་། དེའི་འོག
174a6 ཏུ་བྱང་ཆུབ་སེམས་དཔའ་དགའ་ལྡན་གྱི་གནས་ནས་ཤི་འཕོས་ཏེ་མའི་མངལ་དུ་འཇུག་གོ། ། དེ་བས་ན་རྣམ་གྲངས་དེ་ཀྱང་ལྷ་མོ་སྒྱུ་མ་ནི་ཚེ་ཟད་ནས་འཆི་བའི་དུས་བྱས་ཀྱིས། བྱང་ཆུབ་སེམས
174a7 དཔས་ཉེས་པ་མ་ཡིན་ནོ། ། ཅིའི་ཕྱིར་ན་བྱང་ཆུབ་སེམས་དཔའ་བཟོ་སློབ་ཅེ་ན། འཇིག་རྟེན་གྱི་རྗེས་སུ་འཇུག་པའི་ཕྱིར་དུ་ཟད་ཀྱིས། བྱང་ཆུབ་སེམས་དཔའ་ནི་སྟོང་གསུམ་གྱི་སྟོང
iiif viewer powered by OpenSeadragon
