| e-texts navigator |
| Wylie |
173a1 བསྟན་དགོས་ལ། སེམས་ཅན་གང་དག་གི་དོན་གོམ་པ་བདུན་བོར་ཏེ་བྱ་བ་དེ། གོམ་པ་དྲུག་གིས་ཀྱང་མི་ནུས་ལ་གོམ་པ་བརྒྱད་བོར་ན་ཡང་ལྷག་པར་གྱུར་པས། དེའི་ཕྱིར་བྱང
173a2 ཆུབ་སེམས་དཔའ་སྐྱེས་མ་ཐག་ཏུ་མ་བླངས་པར་བདུན་པོར་གྱི། དྲུག་དང་བརྒྱད་མ་ཡིན་ནོ།། ཅིའི་ཕྱིར་ན། བྱང་ཆུབ་སེམས་དཔའ་གོམ་པ་བདུན་བོར་ནས་ང་ནི་འཇིག་རྟེན་ན་གཙོ་བོ་ཡིན་ཏེ། སྐྱེ་བ
173a3 དང་རྒ་བ་དང་། འཆི་བ་མཐར་བྱའོ་ཞེས་ཚིག་ཏུ་སྨྲ་ཞེ་ན། འཁོར་དེ་ན་ཚངས་པ་དང་། ལྷ་མཐུ་ཆེ་བ་དག་ལྷགས་ཤིང་འཁོད་དེ། ང་རྒྱལ་ཅན་དུ་གྱུར་པ་དེ་དག་བདག་ཅག་གཙོ་བོ་ཡིན་གྱི། འདི
173a4 ནི་མ་ཡིན་ནོ་སྙམ་དུ་སེམས་ཤིང་དེ་དག་བྱང་ཆུབ་སེམས་དཔའ་ལ་འདུད་པར་མི་བྱེད། ཡང་དག་པར་འདུད་པར་མི་བྱེད་པས་དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་འདི་སྙམ་སེམས་ཏེ།
173a5 ཚངས་པ་དང་ལྷ་འདི་དག་ཡུན་རིང་པོར་ཕན་པར་མེད་པར་གྱུར་དུ་འོང་ངོ་ཞེས། དེའི་ཕྱིར་བྱང་ཆུབ་སེམས་དཔས་འཇིག་རྟེན་ནང་མཆོག་གོ།། སྐྱེ་བ་དང་། རྒ་བ་དང་། འཆི་བ་མཐར་འབྱིན་ཏོ་ཞེས
173a6 སྨྲ་ཞིང་སྒྲ་དེས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་བསྒོ་བ་དང་། གང་བྱང་ཆུབ་སེམས་དཔའ་མ་ལྷགས་པ་དེ་དག་ཀྱང་སྒྲ་དེས་ལྷགས་པར་གྱུར་ནས། དེའི་ཚེ་ཚངས་པ་དེ
173a7 དག་དང་ལྷའི་བུ་དེ་དག་བྱང་ཆུབ་སེམས་དཔའ་ལ་ཐལ་མོ་སྦྱར་ནས་འདུད་པར་གྱུར་ཏོ། ། རྒྱུ་དེ་དང་རྐྱེན་དེའི་ཕྱིར་བྱང་ཆུབ་སེམས་དཔའ་འཇིག་རྟེན་ང་མཆོག་གོ།། ང་མཆོག་གོ།། སྐྱེ་བ་དང
iiif viewer powered by OpenSeadragon
