| e-texts navigator |
| Wylie |
172a1 པའི་ཕྱིར། མངལ་ན་དབང་པོ་ཡོངས་སུ་རྫོགས་པར་སྟོན་པས་ཟླ་བ་བཅུར་གནས་ཀྱི་དགུར་མ་ཡིན་ཏེ། དེ་ཡང་བྱང་ཆུབ་སེམས་དཔའ་ཐབས་མཁས་པར་ཤེས་པར་བྱའོ།།
172a2 ཅིའི་ཕྱིར་ན། བྱང་ཆུབ་སེམས་དཔའ་གྲོ་དང་གྲོང་ཁྱེར་དུ་མ་སྐྱེས་ཀྱི་དགོན་པར་སྐྱེས་ཤེ་ན། བྱང་ཆུབ་སེམས་དཔའ་ནི་ཡུན་རིང་པོ་ནས་དགོན་པ་ཤིན་ཏུ་དགོན་པའི་བསྔགས་པ་བརྗོད་པར་བྱེད་ལ།
172a3 དབེན་པ་ན་གནས་ཤིང་གཙང་མར་སྤྱོད་པ་དང་། ཁྱིམ་གྱི་ནང་དུ་སོང་བར་གྱུར་པ་ན། ལྷ་དང་ཀླུ་དང་། གེ་ནོད་སྦྱིན་རྣམས་ཀྱིས་ལྷའི་དྲི་དང་ཕྱེ་མ་དང་། མེ་ཏོག་དག་གིས་རྒྱུན་མ་ཆད་པར་མཆོད
172a4 པ་བྱེད་མི་ནུས་པ་དང་། གྲོང་ཁྱེར་སེར་སྐྱའི་སེམས་ཅན་དག་རབ་ཏུ་དགའ་བར་གྱུར་པས། རྒྱུ་དང་རྐྱེན་དེའི་ཕྱིར་བྱང་ཆུབ་སེམས་དཔའ་དགོན་པར་སྐྱེས་སོ།། ཅིའི་ཕྱིར་ན། བྱང་ཆུབ་སེམས
172a5 དཔའ་མའི་དཀུ་བརྟོལ་ཏེ། མའི་མངལ་གྱི་མལ་དུ་ཞུགས་ཤེ་ན། སེམས་ཅན་གང་དག་བྱང་ཆུབ་སེམས་དཔའ་ནི་ཕ་མའི་མེར་མེར་པོ་ལས་གྱུར་པ་ཡིན་གྱི། བརྫུས་ཏེ་སྐྱེས་པ་མ་ཡིན་ནོ་སྙམ
172a6 དུ་སེམས་པའི་སེམས་ཅན་དེ་དག་གི་ཐེ་ཙོམ་གཅོད་པའི་ཕྱིར། བྱང་ཆུབ་སེམས་དཔའ་མའི་ངཀུ་བརྟོལ་ཏེ་ཞུགས་སོ།། ཞུགས་ནས་ཀྱང་རྨ་དང་། བུ་གར་མ་གྱུར་ལ་ཡུམ་སྒྱུ་མ་ཡང་དེའི་ཚེ་བདེ
172a7 བ་མྱོང་བ་ལྟ་བུ་སྔོན་མ་མྱོང་ངོ་། ། ཅིའི་ཕྱིར་ན། བྱང་ཆུབ་སེམས་དཔའི་མ་ཤིང་བླགས་ཤའི་ཡལ་ག་ལ་འཇུས་ཏེ། ཤ་འཆུས་སུ་ནས་བྱང་ཆུབ་སེམས་དཔའ་སྐྱེས་ཤེ་ན། སེམས་ཅན་གང་དག
iiif viewer powered by OpenSeadragon
