| e-texts navigator |
| Wylie |
170a1 ལ་གནོད་པར་འགྱུར་བའི་ལས་དེ་ལྟ་བུ་ནི་མི་བྱེད་དོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་ཡེ་ཤེས་བླ་མས་འདི་སྐད
170a2 ཅེས་གསོལ་ཏོ། ། བཅོམ་ལྡན་འདས་འོ་ན་ཇི་ལྟར་ན་བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པས་དེ་བཞིན་གཤེགས་པ་འོད་སྲུངས་ཀྱི་གསུང་རབ་ལས་མགོ་རེག་འདི་མཐོང་བས་ཆོག་གོ།
170a3 དགེ་སྦྱོང་མགོ་རེག་འདི་ལ་བྱང་ཆུབ་ག་ལ་ཡོད། བྱང་ཆུབ་ནི་ཤིན་ཏུ་དཀོན་པའོ་ཞེས་ཚིག་སྨྲས་པར་གྱུར། བཅོམ་ལྡན་འདས་དེ་སྐད་སྨྲས་པའི་དོན་གང་ལགས། དེ་སྐད་ཅེས་གསོལ་པ་དང་།
170a4 བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཡེ་ཤེས་བླ་མ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་ཆོག་གོ།། དེ་བཞིན་གཤེགས་པ་དང་། བྱང་ཆུབ་སེམས་དཔའ་ལ་དྲོད་མ་འཛིན
170a5 ཅིག། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི་ཐབས་མཁས་པ་བསམ་གྱིས་མི་ཁྱབ་པ་དང་ལྡན་པ་ཡིན་ཏེ། སྐྱེས་བུ་དམ་པ་དེ་དག་ནི་ཇི་ལྟར་ཅི་ནས་ཀྱང་། སེམས་ཅན་འང
170a6 འདུལ་བར་འགྱུར་བ་དེ་ལྟ་དེ་ལྟར་གནས་པ་ཡིན་ནོ། ། རིགས་ཀྱི་བུ་ལེགས་པར་ཤིན་ཏུ་ཉོན་ལ་ཡིད་ལ་ཟུང་ཤིག་དང་། ཐབས་མཁས་པ་ཞེས་བྱ་བའི་ཆོས་ཀྱི་རྣམ་གྲངས་ཁྱོད་ལ་བཤད
170a7 བྱང་ཆུབ་སེམས་དཔས་མར་མེ་མཛད་ཚུན་ཆད་བསམ་གྱིས་མི་ཁྱབ་པའི་ཐབས་བསྟན་པ་དེ་ལས་ཆུང་ཟད་ཙམ་ཞིག་བསྟན་ཏོ། ། རིགས་ཀྱི་བུ་གང་གི་ཚེ་ན། བྱང་ཆུབ
iiif viewer powered by OpenSeadragon
