| e-texts navigator |
| Wylie |
169b1 པའི་ཕ་རོལ་ཏུ་ཕྱིན་པ་དང་། བསམ་པ་ལྷག་པའི་ཚིག་བླ་དགས་ལགས་སོ།། གཡས་གཡོན་དུ་མི་ལྟ་ཞེས་བགྱི་བ་ནི་ཉན་ཐོས་དང་རང་སངས་རྒྱས་ཀྱིས་མི་འཚལ་བས་ཐམས་ཅད་མཁྱེན་པའི
169b2 ཡེ་ཤེས་ཀྱི་ཚོགས་བླ་དགས་ལགས་སོ། ། ཇི་ལྟ་ཇི་ལྟར་གྲོང་ཁྱེར་མཐོང་བ་དེ་ལྟ་དེ་ལྟར་འཇིགས་པ་མ་མཆིས་པར་འགྱུར་ཞེས་བགྱི་བ་ནི། དེ་ལྟར་ཇི་ལྟར་སངས་རྒྱས་ཀྱི་ཡོན་ཏན་མཐོང་ཞིང་སངས་རྒྱས་ཀྱི
169b3 སྤྱོད་པ་དང་། ཡེ་ཤེས་ལ་རྟོག་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཐབས་མཁས་པ་ལ་བསླབས་པ་དེ་ལྟ་དེ་ལྟར་སེམས་ཅན་རྣམས་ལ་མི་འཇིགས་ཤིང་ཐེ་ཙོམ་མ་མཆིས་པ་ལ་བགྱིའོ།།
169b4 གྲོང་ཁྱེར་དུ་ཕྱིན་ནས་སེམས་ཅན་དཔག་ཏུ་མ་མཆིས་པའི་དོན་བགྱིད་ཅེས་བགྱི་བ་ནི། དེ་བཞིན་གཤེགས་པའི་ཚིགས་བླ་དགས་ལགས་སོ།། བཅོམ་ལྡན་འདས་བྱང་ཆུབ་སེམས་དཔའ་ནི་ཡེ་ཤེས་དང
169b5 ལྡན་པ་ལགས་ཏེ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་འོད་སྲུངས་ཆེན་པོ་ལ་ལེགས་སོ་ཞེས་བྱ
169b6 བ་བྱིན་ཏེ། འོད་སྲུངས་ལེགས་སོ་ལེགས་སོ།། འོད་སྲུངས་ཁྱོད་ཀྱིས་འདིར་དཔེ་བཤད་པས་ལྷ་དང་མིའི་སྐྱེ་དགུ་སྲོག་ཆགས་ཁྲི་ཉིས་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད
169b7 དོའོད་སྲུངས་བྱང་ཆུབ་སེམས་དང་འཐབས་མཁས་པ་ལ་གནས་པ་ནི། ཡོན་ཏན་དཔག་ཏུ་མེད་པ་དང་ལྡན་པ་ཡིན་ཏེ། འོད་སྲུངས་བྱང་ཆུབ་སེམས་དཔའ་ནི་གང་བདག་ལ་གནོད་པར་འགྱུར་བ་དང་། གཞན
iiif viewer powered by OpenSeadragon
