| e-texts navigator |
| Wylie |
157b1 འབྲས་བུ་ཟ་བར་འགྱུར་ལ། སེམས་ཅན་ཐམས་ཅད་ཀྱིས་སྙན་པར་སྨྲས་པ་དང་། མི་སྙན་པར་སྨྲས་པ་ཡང་བཟོད་ཅིང་། ཉན་ཐོས་དང་རང་སངས་རྒྱས་ཡིད་ལ་བྱེད་པ་དང་ཡང་ལྡན་པར་གནས་པར་དེ་ནི།།
157b2 བྱང་ཆུབ་སེམས་དཔའི་ལྟུང་བའི་རྩ་བ་ལྕི་བ་ཡིན་ནོ།། རིགས་ཀྱི་བུ་འདི་ལྟ་སྟེ་དཔེར་ན། ཉན་ཐོས་ཀྱི་ཐེག་པ་ལ་གནས་པ་ལྟུང་བའི་རྩ་བ་བྱུང་ན། ཕུང་པོ་དེ་ཉིད་ཀྱིས་ཡོངས་སུ་མྱ་ངན་ལས་འདའ་བའི
157b3 བསྐལ་བ་མེད་པ་དེ་བཞིན་དུ། རིགས་ཀྱི་བུ་བྱང་ཆུབ་སེམས་དཔའ་ཡང་ལྟུང་བ་མ་མཐོལ་ཞིང་། ཉན་ཐོས་དང་རང་སངས་རྒྱས་ཡིད་ལ་བྱེད་པ་མ་བཏང་ན་སངས་རྒྱས་ཀྱི་སར་ཡོངས་སུ་མྱ་ངན་ལས་འདས
157b4 བའི་སྐལ་བ་མེད་དོ། ། དེ་ནས་བཅོམ་ལྡན་འདས་ལ་ཚེ་དང་ལྡན་པ་དགའ་བོས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་བསོད་སྙོམས་ཀྱི་ཕྱིར་མཐར་གྱིས་སྤྱོད་པ་ན། བྱང་ཆུབས
157b5 སེམས་དཔའ་འོད་མང་ལྡན་གྱི་རྒྱལ་པོ་ཁང་པ་ཞིག་ན། བུད་མེད་དང་ཁྲི་གཅིག་ལ་ལྷན་ཅིག་མཆིས་པར་མཐོང་སྟེ། ལྟུང་བ་བྱུང་བ་མཐོང་ནམ་བཅབ་ཤིག། ཚངས་པ་མཚུངས་པར་སྤྱོད་པ་གཞན་དག་ལ་ཟློས་ཤིག་ཅེས
157b6 བཅོམ་ལྡན་འདས་ཀྱིས་བཀའ་སྩལ་ན། དེ་བཞིན་གཤེགས་པ་ནི་སེམས་ཅན་ཐམས་ཅད་ཀྱི་སྟོན་པ་ལགས་ཏེ། དེ་བཞིན་གཤེགས་པ་ལ་ཅུང་ཟད་ཀྱང་མི་མཁྱེན་པའམ། མ་གཟིགས་པ་འམ། ཐུགས
157b7 སུ་མ་ཆུད་པ་མ་མཆིས་པས། དེའི་སླད་དུ་བདག་བཅོམ་ལྡན་འདས་ལ་གསོལ་ཞེས་ཚེ་དང་ལྡན་པ་དགའ་བོས་དེ་སྐད་ཀྱི་ཚོགས་སྨྲས་ནས། རིང་པོ་མ་ལོན་པར་དེ་ནས་དེའི་མོད་ལ་ས་གཡོས་པར་གྱུར
iiif viewer powered by OpenSeadragon
