| e-texts navigator |
| Wylie |
156b1 ལ་བརྟེན་ཏེ། འདི་སུས་བྱིན། འདི་སུས་ཟོས། སུ་ལ་རྣམ་པར་སྨིན་པར་འགྱུར། ཞེས་དེས་དེ་ལྟར་བརྟགས་ན། གང་གིས་བྱིན་པ་དང་། གང་ལ་སྦྱིན་པ་དང་། གང་ལ་རྣམ
156b2 པར་སྨིན་པར་མྱོང་བར་འགྱུར་བའི་ཆོས་གང་ཡང་མ་དམིགས་པ་དེ་ནི་དེའི་ཤེས་རབ་ཀྱི་ཕ་རོལ་ཏུ་ཕྱིན་པའོ། ། རིགས་ཀྱི་བུ་དེ་ལྟར་ན་བྱང་ཆུབ་སེམས་དཔའ་ཐབས་མཁས་པ་སྦྱིན་པ་སྦྱིན་པར་བྱེད་ན།
156b3 ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་དོ།། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཡེ་ཤེས་བླ་མས་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་འདྲ་བར
156b4 ཐབས་མཁས་ཏེ། སྦྱིན་པ་གང་གིས་སེམས་ཅན་གཞན་དག་འཁོར་བ་ཡོངས་སུ་ལེན་པར་བགྱིད་པའི་སྦྱིན་པ་དེ་ཉིད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ།། སངས་རྒྱས་ཀྱི་ཆོས
156b5 རྣམས་ལེན་པར་བགྱིད་པ་ངོ་མཚར་ཏོ། ། བཅོམ་ལྡན་འདས་ཀྱིས་བཀའ་སྩལ་པ། དེ་དེ་བཞིན་ནོ།། རིགས་ཀྱི་བུ་ཇི་སྐད་སྨྲས་པ་བཞིན་ཏེ། བྱང་ཆུབ་སེམས་དཔའ་ཐབས་མཁས
156b6 པ་ནི་སྦྱིན་པ་ཉུང་ངུ་ཡང་མང་པོར་བྱེད། སྦྱིན་པ་མང་པོ་ཡང་དཔག་ཏུ་མེད་པར་བྱེད་དོ།། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་བླ་མ
156b7 ལ་བཀའ་སྩལ་པ། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི། ལྟུང་བ་ལྕི་བ་ཡང་ཐབས་པར་སྲབ་མོར་བྱེད་དོ།། ཇི་ལྟར་སྲབ་མོར་བྱེད་ཅེ་ན། རིགས་ཀྱི་བུ་འདི་ལ་བྱང
iiif viewer powered by OpenSeadragon
