| e-texts navigator |
| Wylie |
156a1 བདག་ཉིད་ལ་ཐོག་མ་ཁོ་ནར་བཀུར་སྟི་བྱས་པ་ཡིན་གྱི། དེ་དག་ལ་ནི་མ་ཡིན་པ་དང་། དེ་དག་ནི་བདག་གི་པའི་ནོར་ལ་སྤྱོད་མོད་ཀྱི། དེ་ལ་བདག་གིས་འདོད་པར་མི་བྱ། ཕྲག
156a2 དོག་ཏུ་མི་བྱ་སྙམ་དུ་སེམས་པའོ། ། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི། སྦྱིན་པ་སྦྱིན་པ་ན་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་དོ།། ཇི་ལྟར་ན་ཡོངས་སུ
156a3 རྫོགས་པར་བྱེད་ཅེ་ན། འདི་ལ་བྱང་ཆུབ་སེམས་དཔའ་གང་གི་ཚེ། སློང་བ་མཐོང་ན། དེ་སེར་སྣའི་སེམས་ཚར་གཅོད་པར་བྱེད། གཏོང་བ་ཆེན་པོ་འཕེལ་བར་བྱེད་དེ། དེ་ནི་དེའི་སྦྱིན་པའི་ཕ་རོལ
156a4 ཏུ་ཕྱིན་པའོ། ། གང་ཚུལ་ཁྲིམས་ཡང་བླར་བླངས་ནས། ཚུལ་ཁྲིམས་དང་ལྡན་པ་ལ་སྦྱིན་པར་བྱེད་པ་དང་། གང་ངང་ཚུལ་ངན་པ་ཅན་དེ་དག་ཚུལ་ཁྲིམས་ལ་འཇོག་པར་བྱེད་ཅིང་། སྦྱིན་པ་ཡང
156a5 སྦྱིན་པར་བྱེད་པ་དེ་ནི་དེའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། ། གང་བྱམས་པར་སེམས་པ་དང་། སེམས་མ་འཁྲུགས་པ་དང་། ཕན་པར་སེམས་པ་དང་། སེམས་རྩེ་གཅིག་པར་གྱུར་ནས།
156a6 སྦྱིན་པ་སྦྱིན་པར་བྱེད་པ་དེ་ནི་དེའི་བཟོད་པའི་ཕ་རོལ་ཏུ་ཕྱིན་པའོ།། གང་བཟའ་བ་དང་བཅའ་བ་དང་མྱང་བར་བྱ་བ་དེ་དག་ལ་ལུས་དང་ངག་དང་སེམས་འཇོག་ཅིང་། འགྲོ་བ་དང་འོང་བར་བྱེད་པ་དེ་ནི་དེའི
156a7 བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། ། སྦྱིན་པ་བྱིན་ནས་གང་རྩེ་གཅིག་པ་དང་། དབུགས་ཕྱིན་པར་མི་འཛིན་པ་དེ་ནི་དེའི་བསམ་གཏན་གྱི་ཕ་རོལ་ཏུ་ཕྱིན་པའོ།། གལ་ཏེ་སྦྱིན་པ་དེ་བྱིན་ནས་ཆོས་ཉིད
iiif viewer powered by OpenSeadragon
