| e-texts navigator |
| Wylie |
155a1 ཏིང་ངེ་འཛིན་གཅིག་གོ།། ཤེས་རབ་གཅིག་གོ།། དགོངས་པ་གཅིག་གོ། རྣམ་པར་གྲོལ་བ་གཅིག་གོ། རྣམ་པར་གྲོལ་བའི་ཡེ་ཤེས་མཐོང་བ་གཅིག་གོ། ཞེས་དེ་ལྟར
155a2 སློབ་ཅིང་། དེ་ལྟར་དེ་བཞིན་གཤེགས་པ་གཅིག་ལ་ཕྱག་འཚལ་ན། དེ་བཞིན་གཤེགས་པ་ཐམས་ཅད་ལ་ཕྱག་འཚལ་བར་འཛིན་ཏོ།། དེ་ཐབས་མཁས་པ་དེས་སངས་རྒྱས་གཅིག་ལ་བཀུར་སྟི
155a3 བྱས་ནས། སངས་རྒྱས་ཐམས་ཅད་ལ་བཀུར་སྟི་བྱེད་དེ། ཕྱོགས་བཅུའི་སངས་རྒྱས་དེ་དག་ལ་མཆོད་པར་འགྱུར་བ་དེ་སྙེད་ཡོད་པ་དེ་དག་ཐམས་ཅད་ཀྱང་ཡོངས་སུ་ལེན་ཏོ།། རིགས་ཀྱི་བུ་གཞན་ཡང
155a4 བྱང་ཆུབ་སེམས་དཔའ་ཐབས་མཁས་པ་ནི་ནམ་ཞིག་ཤེས་རབ་རྨོངས་པ་ཅན་དུ་རེ་ད་ན་ཡང་། དེ་ནི་བདག་ལ་ཡི་མི་གསོད་ཀྱི་གཟང་བསྟོད་པར་བྱེད་དོ།། ཆུང་ངུ་ན་རྩ་བ་ཚིགས་བཞི་པའི་ཚོགས་སུ་ཅད
155a5 པ་གཅིག་ཁ་དོན་དུ་འདོན་ན་ཡང་། རྩ་བ་བཞི་པའི་ཚིགས་སུ་བཅད་པ་གཅིག་གི་དོན་གང་ཡིན་པ་གསུང་རབ་ཏུ་གཏོགས་པ་ཐམས་ཅད་ཀྱི་དོན་ཡང་དེ་ཡིན་ནོ་ཞེས་དེ་དེ་ལྟར་སློབ་ཅིང་། དེས་ཚིགས་སུ
155a6 བཅད་པ་དེ་ཁ་དོན་དུ་བྱས་ནས། སེམས་ཅན་གང་ཇི་སྙེད་ཀྱིས་བདག་གིས་རྩ་བ་བཞི་པའི་ཚིགས་སུ་བཅད་པ་འདི་ཐོས་པ། དེ་ཐམས་ཅད་སངས་རྒྱས་ཀྱི་སྤོབས་པ་ཐོབ་པར་ཤོག་ཅིག། ཅེས་དེ་ལྟར
155a7 མ་ཞུམ་པའི་སེམས་ཀྱིས་སྨོན་ལམ་འདེབས་ཏེ། དེ་དགེ་བའི་རྩ་བ་དེས་སེམས་ཅན་ཐམས་ཅད་ཀྱི་ཐོས་པ་མཐའ་མེད་པ་དཔེ་མེད་པ་ཟིལ་གྱིས་གནོད་མི་སངས་རྒྱས་ཀྱི་སྤོབས་པ་ཡང་ལེན་པར་བྱེད་དོ།།
iiif viewer powered by OpenSeadragon
