| e-texts navigator |
| Wylie |
147b1 ཟླ་མེད་པ། ཁམས་གསུམ་ན་མགོན་པོའི་མཆོག། སེམས་ཅན་ཐམས་ཅད་ལ་ཕན་པར་མཛད། འཇིག་རྟེན་གྱི་ཆོས་ཀྱི་མོ་སྤྱོད་པ། ནམ་མཁའ་ལྟར་མི་གོས་པ། བསམ་གྱིས་མི་ཁྱབ་པ
147b2 བསམ་པར་འོས་པ། ལྟ་འདོད་པ། བལྟ་ན་སྡུག་པ། འདི་འདྲ་བ་ནི། བདག་གིས་རྙེད་པ་རབ་ཏུ་རྙེད་དོ།། བདེ་བར་གཤེགས་པ་རྙེད་པ་རབ་ཏུ་རྙེད་དོ།། བཅོམ་ལྡན་འདས་ཀྱིས་དེ
147b3 སྐད་ཅེས་བཀའ་སྩལ་ནས། འཇམ་དཔལ་གཞོན་ནུར་གྱུར་པ་དགའོ།། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་དགེ་སློང་དེ་དག་བཅོམ་ལྡན་འདས་ཀྱིས་བཤད་པ་ལ་མངོན་པར་བསྟོད་དོ།།
147b4 འཕགས་པ་འཇམ་དཔལ་གྱིས་དྲིས་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། @རྒྱ་གར་སྐད་དུ། ནན་ད་པྲ་བྷ་ཛཱ་རྫྫ་ཏྲཱ། བོད་སྐད་དུ། དགའ་བ
147b5 རབ་ཏུ་འབྱུང་བའི་མདོ། ཐམས་ཅད་མཁྱེན་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་སེར་སྐྱའི་གནས་ཀྱི་ནྱ་གྲོ་དའི་ཀུན་དགའ་ར་བ་ན་བཞུགས
147b6 སོ། ། དེ་ནས་བཅོམ་ལྡན་འདས་སྔ་དྲོ་ཆོས་གོས་དང་། ཤམ་ཐབས་བསྒྲུབས་ཏེ། ལྷུང་བཟེད་བསྣམས་ནས། ཕྱི་བཞིན་འབྲང་བའི་དགེ་སློང་ཚེ་དང་ལྡན་པ་ཀུན་དགའ་བོ་དང་། སེར་སྐྱ
147b7 གནས་སུ་བསོད་སྙོམས་ལ་གཤེགས་སོ། ། དེ་ནས་བཅོ་ལྡན་འདས་རིགས་ཀྱི་བུ་དགའ་བོའི་ཁྱིམ་ག་ལ་བ་དེར་གཤེགས་པ་དང་། རིགས་ཀྱི་བུ་དགའ་བོས། བཅོམ་ལྡན་འདས་རྒྱང་རིང་པོ
iiif viewer powered by OpenSeadragon
