| e-texts navigator |
| Wylie |
147a1 ཅན་རྣམས་འདུལ་བར་འགྱུར་བའི་ཁ་དོག་དང་དབྱིབས་དང་སྤྱོད་པའི་བྱེ་བྲག་དེ་དང་དེ་ལྟ་བུ་དེ་བཞིན་གཤེགས་པ་སེམས་ཅན་རྣམས་ཀྱིས་མཐོང་ངོ་། ། འཇམ་དཔལ་མཚན
147a2 གྱི་བྱེ་བྲག་གང་དང་གང་གིས་སེམས་ཅན་རྣམས་འདུལ་བར་འགྱུར་པ་མཚན་གྱི་བྱེ་བྲག་དེ་དང་དེ་ལྟ་བུར་དེ་བཞིན་གཤེགས་པ་སེམས་ཅན་རྣམས་ཀྱིས་མཐོང་ངོ་། ། འཇམ་དཔལ་ཆོས་བསྟན་པ་གང་དང
147a3 གང་གིས་སེམས་ཅན་རྣམས་ཡོངས་སུ་སྨིན་པར་འགྱུར་བའི་ཆོས་བསྟན་པ་དེ་དང་དེ་ལྟ་བུར་དེ་བཞིན་གཤེགས་པ་ཆོས་སྟོན་པར་སེམས་ཅན་རྣམས་ཀྱིས་ཤེས་སོ། ། འཇམ་དཔལ་སྤྱོད་པ་གང་དང
147a4 གང་གིས་སེམས་ཅན་རྣམས་དེ་བཞིན་གཤེགས་པའི་བསྟན་པ་ལ་འཇུག་པ་དང་འདུལ་བར་འགྱུར་བའི་སྤྱོད་པ་དེ་དང་དེ་ལ་ནི་དེ་བཞིན་གཤེགས་པ་གནས་པར་སེམས་ཅན་རྣམས་ཀྱིས་མཐོང་ངོ་། །
147a5 འཇམ་དཔལ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་འབྱུང་བ་འགྱུར་བ་ཡང་། སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་།
147a6 འཇིག་རྟེན་ལ་སྙིང་བརྩེ་བ་དང་། ལྷ་དང་མི་རྣམས་དང་སྐྱེ་བོ་ཕལ་པོ་ཆེའི་དོན་དང་། ཕན་པ་དང་། བདེ་བའི་ཕྱིར་སྐྱེའོ།། དེ་ནས་བྱང་ཆུབ་སེམས་དཔའ་འཇམ་དཔལ་སྟན་ལས
147a7 ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་སྟོན་པ་མི་མཉམ་པ་དང་། མཉམ་པ་གང་ཟག
iiif viewer powered by OpenSeadragon
