| e-texts navigator |
| Wylie |
99a1 བཞིན་ཏེ། དངོས་པོ་དང་བྲལ་བས། དེ་ལ་ནི་བསྒོམ་པར་བྱ་བ་ཅིའང་མེད་དོ།། རབ་ཀྱི་རྩལ་གྱིས་རྣམ་པར་གནོན་པ། གང་གི་ཚེ་བྱང་ཆུབ་སེམས
99a2 དཔའ་ཆོས་འདི་དག་ལ་ཆོས་ཀྱི་རྗེས་སུ་ལྟ་ཞིང་གནས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་། ཆོས་གང་ལའང་སྒོམ་པར་ཡང་མི་བྱེད། མི་སྒོམ་པར་ཡང་མི་བྱེད་པ་དེ
99a3 ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསྒོམ་པ་ཞེས་བྱའོ། ། རབ་ཀྱི་རྩལ་གྱིས་རྣམ་པར་གནོན་པ། དེ་ལྟར་སྤྱོད་ཅིང་དེ་ལྟར་གནས་ན། བྱང་ཆུབ་སེམས་དཔའ་ཤེས་རབ
99a4 ཀྱི་ཕ་རོལ་ཏུ་ཕྱིན་པ་ལ་བསྒོམ་པ་ཡོངས་སུ་རྫོགས་པར་འགྱུར་རོ། ། རབ་ཀྱི་རྩལ་གྱིས་རྣམ་པར་གནོན་པ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ
99a5 ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། གཟུགས་དང་འཕྲད་པའི་རྒྱུར་སེམས་མི་སྐྱེད་དོ།། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ
99a6 དང་འཕྲང་པའི་རྒྱུར་སེམས་མི་སྐྱེད། ཐ་བ་དང་ལྡན་པའི་སེམས་མི་སྐྱེདགནོད་སེམས་དང་ལྡན་པའི་སེམས་མི་སྐྱེད། སེར་སྣ་དང་ལྡན་པའི་སེམས་མི་སྐྱེད། ཀུན་ནས
99a7 ཉོན་མོངས་པ་དང་ལྡན་པའི་སེམས་མི་སྐྱེད། ལེ་ལོ་དང་ལྡན་པའི་སེམས་མི་སྐྱེད། རྣམ་པར་གཡེང་བ་དང་ལྡན་པའི་སེམས་མི་སྐྱེད། འཆལ་པའི་ཤེས་རབ་དང་ལྡན་པའི
iiif viewer powered by OpenSeadragon
